رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

اهلا الزينات الغاليات واش راكم لاباس!؟!؟
اهلا بعبير واش راكي يالالة!؟!؟ توحشناك،،،، واش راهي بنتك و البيبي لاباس!؟!؟ واش شفتي واش عندك و الا مازال!؟! ايا قرعجيلتا راكي تعرفي خياتك تاع تقرعيج،،،
هدى اختي قرات بصح راهم يقولو غدوة ادير اضراب و الله اعلم،،،،،،
البنات هذا وين جيت من العقيقة تاع وليد عم راجلي ولدت مرتو حابت طفلة و هذا تزوج قبلنا بشهر و راه عندو طفل و زاد طفلة الله يباركً،،،، طاب قلبي غير دخلت بداوني ربي يحل خزامك ربي يرزقك ربي يجيبلك مازال مارفدتيش روحي داوي روحي تزمري روحي ،،،،،، اخخخخخخ قريب بكيت كامل رافدين اولادهم غير انا نشوف قاعدة مي المعوقة،،،،،، الصغيرة الكبيرة مامل باولادهم،،،، من بعد جات مرت لوسي يا ربي اسمحلي فرحت قولت دورك يلتهاو بيا و ينساوني هههههه قعدو غير معايا و يحكو و هذي دارت و هذي رفدت و تذي رقاة تقعد قدامي وحدة و تهدر و تنوض اتجي وحدة اخرى تبدا ارقي هذا راقي فلاني،،،، اتجي و حدة اخرى عيييتتت كرهت جيت لدار بكيت قولتلو لراجلي مانغيضكش ،،،،، و عجوزتي حسيت بيها زعفت مسكينة كامل يحكو على اولاد اولادهم و هي ساكتة حتى لو بنتها عندها زوج اولاد الله يبارك تقولي لالا هذوك اولاد الناس انا نسحق اولاد اولادي الذكورة،،،،، ربي يرزقنا يا رب،،،،، راه قلبي طايب ،،،،،

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

عبير صح التجمع راه راقد كون شفتي البارح خير ..و زيد نور الهدى و صبورة و امة و بسومة راهم غايبين

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

لالا انا قريت في الجي عند عمتي

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

نور حنونتي الله يسلمك

حنونتي راني لباس مادام نشوفكم و الله رب اخ لم تلده امك

شوفي نور نقولك و ما تقلقيش

راهم غايرين منك يحوسولك على مدخل يقلقوك بيه

انت الله يبارك مثقفة و استاذة ماشاء الله تبارك الله

و حنونة و زينونة و راجلك يحبك الكمال لله هوما بلاك ما عندهمش هذا كامل

ان شاء الله تتم الفرحة و تجيبي النونو

اصبري برك

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

لبنات كاش اخبار على اترج

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

هادي الناس ما ترحمش يا نور اختي ...... كي شغل نتي محاباش تضني
انا تاني يقلقلو عليا بصح مزيا عجوزتي الشاطرة الله يخليها تسكتهم طول .... ما يلقاو ما يزيدو يقولو يعطيها الصحة

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

اهلا بيك اختي عبير معرفة خير يا رب

المشينة ديالي لا مارك l hm ماركة جديدة مي تشبه بزاف ل سانجور و جيامسي هادوك الي يجيو كي شغل فار يشبه لغري و الطابلة تاعها كبيرة بزاف و الموتور ديالها شحال ثقيل ضخمة هههههههههههههه

لامية حنونة اذا راكي علي انا صح قريت في قسنطينة مي الباك تاعي 2005 يعني وراك بزاف قريت في الامير كنت ساكنة في نحاس نبيل بقيت تمة قريب 5 سنين

و الله غير توحشتها بزاف نموت على قسنطينة و ديجا قريت بعد التخرج عام في المدرسة القرانية تاع الامير استاذة احكام تجويد و من بعد تزوجت و ما زدتش وليتلها خسارة

انتما وين تسكنو في قسنطينة؟؟؟؟؟؟؟؟؟؟؟؟؟؟؟

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

نور الهدى ما تقلقي روحك ما والو ان شاء الله الفرج قريب اييه كون نحكيلك ما وليتش نحب نروح عند حتى واحد غير لي محتما غير باش ما نتلاقاش بنات خالتي و بنات خالي يبداو يسقسو و كون كاش واحد من ولادهم يطيح يقولو هاذي عين تلقاي غير روحك في النص لي ما عندكش الدراري و تقولي راهم يهدرو عليا و تولي مقنوطة

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

..........................

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

يا عمري عليك يا اختي نور شفتي على هادي نكره التجمعات تاع النسا يخبتولي قلبي زعما هما راهم حابين يشوفو ذريتي اكثر مني يخي بغولة يخي

ماقلتيليش انت واش هو المشكل عندك