رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

ههههههههههههههههههههههههههه

بالنسبة لاسئلة ديالكم راح نجاوب عليها

اولا انا كي نولي نرقي لا يغمى علي يعني نبقى واعية و نسمع و نحس بكل شي يصير معايا لكن ما نقدرش نتحكم في الحركة ديالي و لا في كلامي لان السي مسلم يتكلم على لساني لكن بلهجة غير اللهجة ديالي لانو هو اصله من المغرب لاكن عاش في الجزائر لهجة كما ناس الشرق المهم هدرتو حلوة بزاف على لساني

هههههههههههه و انا اصلا نشتي لاكسون نتعاهم يخي كنت نقرا في قسنطينة 5 سنين

و قبل كان يتكلم غير كي نولي في الرقية لكن راجلي لعزيز قالي نوليو نسجلو الرقية في البورطابل ديالو و وليت ديما نسمعها في الليل لانو فيها تحصين يعني كانو الراقي راهو عندي


ومع المداومة عليها ولى يتكلم حتى بلا ما يكون الراقي عندنا يعني بمجرد ما يسمع الرقية و اول مرة كانت كي بشرنا في الليل بلي راني حامل نشفى كان نهار 2014/1/1 كانت احلى بشارة سمعتها بحياتي
وغدوة من داك جانا الراقي للدار و زاد اكدلو الخبر

و من بعد زاد درنا موعد بعد أسبوعين عند الراقي في دارو و زاد اكد امر الحمل تقريبا كان في كل مرة تاع رقية او سماع الرقية ياكد الحمل و في هاد المرة قال بلي راني حامل بتوأم الراقي تفاجأ و فرح بزاف و قال ان ششاء الله و عملي تحصين و قبل درت استفراغ و خرجت جزء من السحر الي كان في كرشي و قالو بلي الدم الي نزل علي هو سحر كان بالرحم ونزل بعد تأخر الدورة ب 4 ايام نزل يومين ثم توقف من العصر حتى للظهر من اليوم الموالي و زاد نزل شوية و بعد العصر اكرمكم الله نزل مني طرف نتاع دم متكتل مع دم غامق بزاف

درت في بالي بلي اجهاض لكن كي رحت عند الطبيبة قالتلي ماكان والو و شافت في ليكو حاجة انا شفتها تشبه لكيس الجنين في الراديو قاتلي هذا دم متكتل عندك في الرحم و نورمالمون راهي دوك تصب عليك قولتلها لالا راهي حابسة من قبل ما ندخل عندك قالتلي يمالا راح مازال يهبط عليك من بعد لكن انا ما زدتش شفتو لحد الان

و كي سالو الراقي على هاداك التكتل قالو بلي هذاك هو الحمل و بلي الطبيبة ماعرفاتوش بسبب السحر

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

ما هربتش يا لفحلات كنت نتابي في الميموار تاعي هههههههههههههههههههه


حكاية بزاف طويلة و مخلطة هههههههههههههه

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

ان شاء الله تكوني حامل و ربي يثبتهوملك و تفرحي بيهم يا رب،،،،

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

الميموار تاعك !؟!؟ تقراي!؟! و واش من تخصص و السنة!؟!؟!

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

هاه دوكة نتوما بينو شطارتكم في الردود ان من البارح وانا نجرد في قصة حياتي و الله غير حتى حوالو عيني في لكلافي هههههههههههه

تخسرولي عيني تشريولي نواظر ههههههههههههههه

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

تاع واش ميموار
وعلاش واش تقراي

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

هاد الميموار كامل من البارح وانت تقري فيها و من بعد تسقسي في وا نقرا ههههههههههههههههههههه


امين يا رب يسمع منك

لكن المشكل انا مانيش قادرة نتاكد باه تكمل الفرحة تاعي خاصة و العراض ما فارقتنيش ابدا للان راني قريب نكما الاسبوع السابع

و ما باين والو في التاست ولا التحاليل

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

واش نقولك يا ام نهى ربي يثبتهملك ان شاء الله
تصبحو بخير لبنات

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

هههه ام نهى اذا انت نخسرو عليك نواظر ماعليش،،،،،، بصح انت راح تخسري علينا طبيب عند تاع المخ و القلب علاخاطر خلخلتينا و زيد ركبتيلنا الخلعة في قلوبنا ههههههه

رد: التجمع الجديد للجزائريات المتأخرات في الحمل و أهلين بالتونسيات الغاليات ‏
 

ربي يجيب اللي فيه الخيررر
البنات اسمحولي نقوللكم تصبحو على طاعة الرحمن و رؤية الرسول صل الله عليه و سلم في المنام،،،،،،