|
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
مرحبا بك معانا بصح نصيحة مني ليك صح كامل نحبوا نكونوا امهات..بصح انت حبيبتي راكي عروسة والضغط و التفكير فالحمل انتاع بداية الزواج هو اللي يلخبط الهرمونات و يضعف التبويض للمراة و ترجع متاخرة فالحمل من بعد ..لان الجهاز التناسلي المركز انتاعوا فالراس.. ان شاء الله تكوني فهمتيني امالا اضحكي و لعبي و تفشي على راجلك و عيشي حياتك راكم عرسان و حاولي تغيري الروتين حتى تلقاي روحك بالحمل..على الاقل لما تلحقي 6 اشهر روحي للطبيبة.. |
رد: التجمع الجديد للجزائريات المتأخرات في الحمل و أهلين بالتونسيات الغاليات
بالسللامة انا نروح نطيب لعشا راهو راح الحال
العشيا انشاء الله |
رد: التجمع الجديد للجزائريات المتأخرات في الحمل و أهلين بالتونسيات الغاليات
عندك الصح اختي صبورة بصح راكي تعرفي الانسان مقلق وانا في خاطري نفرح راجلي والله لبارح قلتلو راني مشتهية ماكلة عينيه طارو قالي واقيلا راكي تتوحمي
وزيد انا هاد الاسبوع ان شاء الله راني رايحا لدارنا نقعد الا كتب ربي شهرين راجلي راه مسافر هادي هي القصة |
رد: التجمع الجديد للجزائريات المتأخرات في الحمل و أهلين بالتونسيات الغاليات
السلام عليكم
|
رد: التجمع الجديد للجزائريات المتأخرات في الحمل و أهلين بالتونسيات الغاليات
يا عمري انا راني نحكي جدي كتير ماشي مجرد احاسيس او توهمات مانقدرش ننساها لانو ماراهيش تفارقني ابدا
و المشكلة كان عندي موعد للرقية هاد الاسبوع لكن تاجل الى وقت غير مسمى بسبب الفوضى الي راهي نايضة عندنا يارب يفرج علينا حتى لعند الطبيبة مانقدرش نروح اسمحولي العضوات لجداد نسيت ما رحبتش بيكم لهيت في روحي مرحبا بكم معانا و يارب يفتح علينا كامل |
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
سهام اللهم اميم يا رب العالمين انا لما سمعت بالقصة انتاعها..على بالك قعدت نقول سبحان الله شحال من مرة بلا مانفيق بروحي.. اقتباس:
ان شاء الله تروحي بالسلامة لداركم وتغيري شوية جو مع اهلك..و ترتاح نفسيتك.. اقتباس:
و عليكم السلام و رحمة الله و بركاته حبيبتي و قيلا ماتوحشتيناش من البارح وانا نكتب و نسقسي عليك و نقولك طمنيني عليك مارديتيش علي.. |
رد: التجمع الجديد للجزائريات المتأخرات في الحمل و أهلين بالتونسيات الغاليات
مرحبا بيك اختي انا وزوجي واش نقولك ان شاء الله ربي يفرحك ويرزقك بواش راكي متمنية لكن نصيحة مني عيشي حياتك راكي مازالكي عروسة انا حتى درت 3 اشهر زواج باش بديت نفطن من الصدمة تاع العرس هههههههههه وصح امنت بلللي تزوجت 3 اشهر الاولى حسبت روحي في حلم حتى موراها باه بديت نستحلى وتعجبني الحالة وجامي مافكرت فالحمل حتى كي درت عام باش بديت نخمم نصيحة مني ليك ماتخميش بزاف استمتعي وعيشي حياتك حتى يفتح عليك ربي
|
رد: التجمع الجديد للجزائريات المتأخرات في الحمل و أهلين بالتونسيات الغاليات
اختي انا و زوجي ماتقلقيش روحك مازال راكي في شهر النحل آآآآآآآآآآآه قصدي العسل هههههه
تدللي و تفششي على راجلك حتى الي تقولي خلاص راهم جايينك ايامات الوحم و لعيا و الوجع تاع الزيادة و ويك واك ليل نهار حتى يشيب راسك و تولي هاربة من الدار و مخليتهم وراك هههههههههههههه سقسيني انا نقولك هههههههههههههه زعمة عندي تجربة والله اناغير كي نروح لدارنا و يجيو خواتاتي مع ولادهم ربي يحفظهم و يبدا لعياط و الحس و لبكا و اسكت انت و ريحي انت غير نولي قريب نتف شعري و ما نحكيلكش في الليل يا عمري على الهدوء و الراحة و الله غير ساعات نخليلهم الدار و نرقد في السطح من البكا تاعهم ههههههههههههههههه قالك حابة نجيب دراري قالك و الله ربي يستر والفت بالكالم ونرقد كما نحب و نوض وقت ما نحب قولو الطبيبة قالتلي قولي لراجلك يتهلا فيك مليح باه تهزي و الا ممنوع هههههههههههههههه العبيلو على المورال هههههيههههههههه نعلم فيك في التحراميت ربي يغفرلي بصح حبيت نحي على خاطرك شوية وربي يرجعلك راجلك سالم غانم بزاف شهرين و انتما مازال راكم عرسان جدد واش يصبرك عليه يا عمري ههههههههههههه ما يروحش بالك لبعيد و اذا حبيتي ماعليش انا راجلي يخدم شهر بشهر والله غير ميزيرية ودرك راهو يخدم 5 اسابيع و يجي 4 يعني واش نحكيلك ؟؟؟؟؟؟؟؟؟؟؟؟؟؟؟ |
رد: التجمع الجديد للجزائريات المتأخرات في الحمل و أهلين بالتونسيات الغاليات
ماهو أجر الصابرين؟ أتعلم لماذا الصالحين يفرحون بالبلاء .... وذلك لأن بصبرهم مع الله يحصلون على مايلي : 1_يجازيهم الله بالثواب العظيم لحديث الرسول صلى الله عليه وسلم (يود أهل العافية يوم القيامة ، حين يعطى أهل البلاء الثواب ؛ لو أن جلودهم كانت قرضت بالمقاريض . ). حسنه الألباني 2_أن الله لايحاسبهم يوم القيامة لقوله تعالى(إنما يوفى الصابرون أجرهم بغير حساب) أي لا يحسب عليهم ثواب عملهم قط، ولكن يزادون على ذلك. فلا يوزن لهم ولا يكال، وإنما يغرف لهم غرفاً 3_إذا أحبك الله فقد غنمت السعادة في الدنياوالآخرة، وأعطاك الله البركة والنجاة والغفران، واشعرك بالراحةوالطمأنينة، واستجاب دعوتك ويغفر لك وأثنى عليك ورحبت بك السموات والأرض وفتح لك ابواب الخير وأدخلك جناته فهنيئا لمن يحبه الله وعلامة حب الله إن يصبرهم عند البلاء لقوله (والله يحب الصابرين)،وقال الرسول صلى الله عليه وسلم(إن الله إذا أحب عبدا ابتلاه وإذا ابتلاه صبره). 4_كفارة لذنوبهم والحديث(ما من شيء يصيب المؤمن ، حتى الشوكة تصيبه ، إلا كتب الله له بها حسنة ، أو حطت عنه خطيئة) حديث صحيح 5_تكون له عند الله درجة لايصلها بأعماله من قيام وصيام وصدقة وجهاد..ولكن يبتلى ليصل إلى الدرجةالعالية، 6_إن الله لايعذب اهل البلاء من المسلمين الصابرين في الآخرة 7_أول من يدعى إلى الجنة لقول الرسول صلى الله عليه وسلم (أول من يدعى إلى الجنة الحمادون، الذين يحمدون الله على السراء و الضراء) حديث حسن 8_يجازيهم الله بالثواب العظيم وبالنصر المبين وبالفرج الكبير 9_جمع للصابرين ثلاثةأمور لم يجمعهالغيرهم وذلك بالصلاة عليهم ،_والرحمة،_والهداية، لقول الله تعالى(أولئك عليهم صلوات من ربهم ورحمة وأولئك هم المهتدون) 10_جعل الصبر والغفران من أشد وأقوى وأشرف وأجل الأمور وافضل الأعمال عندالله لقول الله تعالى(ولمن صبروغفر إن ذلك لمن عزم الأمور). 11_ بأن له الثبات في الدنياوالآخرة وله الحظ العظيم لقول الله تعالى(ومايلقاها إلا الذين صبروا ومايلقاها إلاذوحظ عظيم) 12_إن الملائكة تسلم عليهم في الجنة بصبرهم لقول الله تعالى(والملائكة يدخلون عليهم من كل باب سلام عليكم بماصبرتم فنعم عقبى الدار). 13_ خص أهل الميمنة بأنهم أهل الصبر والمرحمة لقول الله تعالى(وتواصوا بالصبروتواصوا بالمرحمة أولئك أصحاب الميمنة). 14_أقسم الله تعالى للصابر بأن ينجيه من الخسران والذل لقوله تعالى(إن الإنسان لفي خسر إلا الذين آمنوا وعملوا الصالحات وتواصوا بالحق وتواصوا بالصبر). 15_ يكفيه شرفا ونصرا وعزا وحظا بإن الله معه لقوله تعالى(إن الله مع الصابرين). 16_جعل الصبر قوة وعدة وعونا له على آداء اموره واستجابةدعوته لقوله تعالى(واستعينوا بالصبر والصلاة). 17_يضاعف الله اجر الصابرين لقوله تعالى (أولئك يؤتون أجرهم مرتين بماصبروا) 18_أن الله بشرهم بالنصروالخير والنجاةوالجنة لقوله(وبشرالصابرين) 19_ولوتأملت أصحاب الذين استجاب الله دعوتهم وازاح الصخرة من الكهف لوجدت أن كل عمل قام به لينجيهم الله كان دليلا على صبره.. 20_ومن الصابرين يظلهم الله يوم الحشرفلوتأملت من خصهم الله تحت ظله يوم لاظل إلا ظله لوجدت أنهم جميعا كانوا من الصابرين. 21_البلاءرحمة من الله فهو فضل يمنه الله على عبده الذي يحبه ليتهدي ويرجع الى الله بالبلاء راجيا تائبا نادما عابد ربه |
رد: التجمع الجديد للجزائريات المتأخرات في الحمل و أهلين بالتونسيات الغاليات
ماهي شروط الصبر لتنال الأخر 1- الاخلاص لله في الصبر واحتساب الأجر كيف تصبر؟ ولمن تصبر؟ وما تريد بصبرك؟ قال الله تعالى اصبروا وصابروا ورابطوا 2- ( إنما الصبر عند الصدمة الأولى ) تصبر بمجرد معرفتك للخبر فالصبر لا يكون الا في أوانه 3- عدم الشكوى لغير الله الا للضرورة القصوى 4- عدم السخط لامر الله والجزع والنفور 5- من اعظم الصابرين هو من يكون حاله بعد المصيبة كحاله قبلها أي لا يتغير 6- لا ينسى ذكر الله خاصة ( إنا لله وإنا إليه راجعون ....اللهم اجرني في مصيبتى وأخلفني خيرا منها ) 7- عدم خروج كلمة تنافي حكم الله تعالى، فرب كلمة جرى بها اللسان هلك بها الإنسان. 8- عدم ضرب الوجه او الجسد أو شد الشعر وتمزيق الثياب وغيره مما يدل على التسخط هذا والله أعلم وصل وسلم وبارك اللهم على محمد عليه افضل الصلاة والسلام |
| الساعة الآن 10:38 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .