|
رد: التجمع الجديد للجزائريات المتأخرات في الحمل و أهلين بالتونسيات الغاليات
يا ربي زادت بسومة غبرت علينا مرة اخر ماجيت نلقاك غير بالسيف و منبعد ديري في هاكا
راني ملييحة حنونة لكن اختي 20 سنة انتظار اسمحيل و لكن اسمك جاني طويل بزاف و زيد ماشي مليح بالنسبة ليك تبقاي ديما تتفكري قداه عندك و انت تستني في الاولاد حاولي طيشي عليك هاذ الافكار كامل و حاولي تجددي حياتك مع زوجك كي شغل راكم هذا وين درتو العرس والله نعرف وحدة عاودت كرات لا غوب بلونش تاع العرس و راحت عند الحفافة و عملتلها كواف و مككياج تاع عروسة و دارت الحنة مختمة و عملت عرس جديد هي و راجلهاو شراو لا طاغت و دارو فوطوات جدد جاوهم هايلين و سبحان الله ما دارتش شهر عرفت بلي راهي حامل و هي تاني كانت بزاف مقلقة على دراري و كي ارتاحت النفسية ديالها هزت |
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
اقتباس:
اقتباس:
راني حابة نقلك بلي هنا في التجمع كاين قارعاجات بزاف ههههههههههه على هذيك انا حبيت نقلك ماذا بيك تعرفي بروحك مليح وسمك شحال عمرك وش هو المشكل تاعك و إذا كاين ديتاي أخرين قولي معليش هههههههههههههه خير من يبداو لي كاستيون يطيحو عليك ههههههه المهم كاين بزاف هنا من الشرق أنا من سطيف بصح عايشة في الغربة بصح كاين بزاف من الشرق ضك يدخلو و يعاونوك إن شاء الله |
رد: التجمع الجديد للجزائريات المتأخرات في الحمل و أهلين بالتونسيات الغاليات
ما كانش مشكل اختي انا ما امنت لقيت تجمع بنات الجزائر
الاسم سارة العمر 26 سنة متزوجة مند 4 اشهر نسكن في سوق اهراس الحمد لله ما كاين حتى مشكل بصح راكي عارفة المراة كي تتزوج تحب تولي ام نقولك الصح انا وزوجي كنا متفاهمين ناخروا الذرية شوية بصح غير تزوجنا حكماته غريزة الابوة ولا كل شهر يقولي يا درا ما كاين حتى جديد هادي هي حياتي وكانش سؤال راني هنا |
رد: التجمع الجديد للجزائريات المتأخرات في الحمل و أهلين بالتونسيات الغاليات
نسيت ما قلتلكش اطيني اسم اخر خفيف و متفائل نعيطلك بيه
|
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
20 سنة انتظار كيما قالت الاخت سهام معاناتنا ما تبانش مع المعانات انتاعك..يعني ما عندكي ما خليتي كل شيء اعملتيه..ما بقالك الا الدعاء و اياك ثم اياك تياسي..رحمة ربي واسعة و ما تدري ما نعلمي حتى تلقاي روحك بالحمل ان شاء الله... نكملك الحكاية اللي قلتلك عليها هادي قريبة راجل اختي كان في عمرها36 سنة خطبها راجل عقيم كان متزوج لمدة 11 سنة من بعد مرتوا طلبت الطلاق ..طلقها و عاودت الزواج و ولدت عادي..لمل خطب هاد البنت صارحجها من نهار الاول بحالتوا..و هي ما رفضتش قبلت تتزوج معاه..يعني بالرغم من هاد الشيء.. كل شهر تروح تمسد عند وحد العجوزة لانها خافت الدورة تروح منها على خاطر اصبحت تجيها مرة فالشهرين..قعدت على هاد الحال 6 سنين حتى العام الماضي الدورة ماجاتهاش مدة اكثر من شهرين كانت في دارهم مع خياتها تحكيلهم قالولها و منبعد كي ماجاتكش الدورة ياك راجلك مايولدش و سبحان الله هكداك و احسنت الظن في الله..قالتلها اختها الكبيرة جربي حظك و روحي شري التاست..راحت جابتوا و يخرجلها بوزيتيف قريب هبلت راحت مع يماها للطبيبة و عملتلها ايكو قالت لها راكي بالحمل قريب شهرين ..و هي في عمرها 41 سنة..خبرو راجلها في التليفون راح مباشرة للمسجد و صلى ركعتين شكر لله..و اهل راجلها داروا كورتاج واش من التولويل و الورد وجاو فرحانين عندها و جاز الحمل انتاعها لاباس و زاد عندها طفل يهبل العقوبة لينا..يعني ربي برحمتوا سبحانه و تعالى.. اقتباس:
حكاية المرا هادي تقطع القلب كيفاش تجري و توجد لعرس راجلها باينة قلبها كان ينزف..و شوفي مكتوب ربي قبل العرس حملت..على بالك احنا النسا الكبار لما يسمعوا حكاية مثل هادي يقولوا كرشها من الخوف حملت ههه... اقتباس:
الحمد لله حبيبتي السوال عليك.. 20 سنة انتظار خيرها فغيرها الشهر الجاي يا رب تكوني بالحمل بسومة قعدي ارتاحي ماتخدمي والوا و ان شاء الله ما يكون غير الخير..الجواب راه عند الطبيبة..روحي غدوة حبيبتي و طمنينا عليك... |
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
إيه أنا نهار سجلت اول مرة هنا كان عندي 5 شهر و كلنو كامل يقولولي مزال الحال بصح وش نقلك عندك الحق غير تزوجي تولي كل شهر تعسي روحك أنا عمري 23 سنة عندي عام و 4 شهر زواج و لحد الان ربي مزال مارزقنيش و راهم غير يقولونا مسألة وقت وخلاص المهم ربي يرزقك الذرية الصالحة في القريب العاجل يارب |
رد: التجمع الجديد للجزائريات المتأخرات في الحمل و أهلين بالتونسيات الغاليات
اختي صبورة
سبحان الله تعالى مغير الاحوال |
رد: التجمع الجديد للجزائريات المتأخرات في الحمل و أهلين بالتونسيات الغاليات
يا لبنات انا راني نحس بلي كاين حاجة يابسة كي نمس في الجهة اليسرى من الرحم و النغزات هادوك ماخطاونيش ابدا و في الليل كي نرقد مانقدرش نبقى على الجهة ليسرى و لا على ظهري و لا على كرشي نحس حاجة مزيرة بزاف و ترفرف كما العين كي تولي ترمش بسرعة وحدها ماعرفتش والله غير دخت و زيد كرشي راها رايحا و تزيد والات باينة مع انا الي عندي الكرش من قبل "شوية ماشي بزاف ما يروحش بالكم لبعيد"ههههههههههههه
قولولي اذا راني في طريق الحوامل ولا تيهت الطريق شوية |
رد: التجمع الجديد للجزائريات المتأخرات في الحمل و أهلين بالتونسيات الغاليات
صبورة و الله ياحكايتي غير لحمي شوك منها صح حنا ساعات ننساو بلي ربي لي يمد و هو لي ينحي
ربي يغفرلنا برك ربي يفرحنا و نحملو كامل مع بعض في القريب العاجل و الله العظيم غير كتبت هذي الجملة و الدمعة طاحتلي سبحان الله يارب تكون ساعة إستجابة |
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
حنونة وش نقلك أصبري و نحي من بالك و خلاص خليها على ربي ماتعسيش رحك خلاص |
| الساعة الآن 12:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .