منتديات حوامل النسائية - تجمع الجزائريات الغاليات المتأخرات في الحمل ‏

اقتباس:

المشاركة الأصلية كتبت بواسطة أمة الرحمان السلفية (المشاركة 3791087)

تفظلو الفال تع عرس خويا

https://scontent-a-lhr.xx.fbcdn.net/...43404670_n.jpg

الف الف مبروك على زواج خوك وربي يهنيهم مع بعض

اقتباس:

المشاركة الأصلية كتبت بواسطة zanoubiass (المشاركة 3791109)

السلام عليكم. يا بنات انا عضوة جديدة عجبني هذا التجمع حبيت ننضم ليه انا عندي اربع سنين تقريبا زواج ومازال ماصراش حمل ان شالله تكونو فآل خير علي ونكون فآل خير عليكم وما يخلاصش رمضان الا واحنا حوامل يا رب

مرحبا بيك بيناتنا ان شاء الله تكون وجه خير علينا

اقتباس:

المشاركة الأصلية كتبت بواسطة أمة الرحمان السلفية (المشاركة 3791246)

صبورة عزيزتي توحشتك بزاف وين راكي طلي عليا
نورالهدى يازينة تاعي ربي يشفيك عمري ولله غير راني مقلقة عليك تع الصح ربي معك حنونة
هدى الجيجلية وين راكي عمري توحشتك ان شاء الله راكي بخير انتي وبيبي
مريومتي وين رحتي خلااص داك انيس ربي يحفظو
ريحانة لعزيزة وين رحتي كيفاش راكي مع مهدي قريب يشيب شعرك ولا مازل
عبير حبيبتي كيفاش راكي لاخبر عليك مانعرف الا ولدتي ولا مزال
الاموموة وين راكي عمري توحشتك بزاف
اترج وين راكي حنونة طلي علينا انتي وصال وجمانة وام انس واميرة طولتو بزاف علينا
سهام حنونة كيفاش راكي
باربي
الما
بارا
ام عبد الرؤوف
ام بلقاسم
بسومة 26
سماسم
لمياء
اسماء
جميلة
امال جديدة
نوراليقين
ام نهى ربي يرجعك بخير
ولبنات الى نسيتهم يسمحولي رني فاقدة الذكرة من تعب تع العرس

امة ولله راني توحشتك بزااااااف

اقتباس:

المشاركة الأصلية كتبت بواسطة صبورة (المشاركة 3791250)

السلام عليكم
الف مبروك لخوك.. امة الرحمان العزيزة حبيبتي ليك وحشة قد السما..راكي في بالي و قلت باينة راهي قتلت روحها من التعب في العرس..
زانو معرفة خير و ربي يفتح عليك ان شاء الله بالحمل في القريب العاحجل انت و كل مشتاقة...
بسومة واش راكي حبيبة ..كاش جديد عندك..

صبورة واش اخبارك ان شاء الله تكوني مليحة

اقتباس:

المشاركة الأصلية كتبت بواسطة bassouma (المشاركة 3791251)

أمة لبنات منيش عارفة مالهم هجرو تجمع توحشتهم كامل
و بارا و جيجي كان عندهم روطار فالدورة بصح مدخلوش يطمنونا
ربي فيه الخير

بسومة واش اخبارك راني مع روطار ليوم 42 يوم ومن 7 ايام مخلصة دفاستتون والم الدورة داير فيا حالة ولسى منزلتش

اقتباس:

المشاركة الأصلية كتبت بواسطة bicha24 (المشاركة 3791630)

لبنات ان شاء الله تكون بخير و عافية امة يعطيك صحة ع قاطوا باين يهبل انا نموت ع قاطو اللوز و قارص يهبلللللللل
بسومة تسكني بصحة و لهنا ان شاء الله مبروك عليك و عقبال حاجات اخرى ان شاء الله
بارا وينك مابنتيش
غفران ان شاء الله تتريقل نت تاعك في اقرب وقت
لبنات كامل ان شاء الله تكون حوالكم مليحة

بيشا واش اخبارك رحعتي لطبيب ولا مزال ان شاء الله تشوفي كيس الجنين ربي يثبتولك