رد: تجمع الجزائريات الغاليات المتأخرات في الحمل ‏
 

و الله علابالي فيك فحلة ونص و ما يخصني حتى خير كون جيتي جارتي ربي يخليك ديما كي الشمعة تضوي ليل نهار و كي الريشة فوق راس السلاطين حنونة

رد: تجمع الجزائريات الغاليات المتأخرات في الحمل ‏
 

السلام عليكن أخواتي وجمعة مباركة عليكن وربي يحل حزام كم ويرزقكم الخلف الصالح ان شاء الله ام نهى ماشاء الله على البشارة الطيبة ربي يسهلكم وتروحو وترجعو بألف سلامة ان شاء الله ما تنسايناش بالدعاء ولعقوبة لبشرى حملك المرة الجاية انت وحبيبات المنتدى ربي يفرحكم جميعا بسومة حبيبتي ربي يعوض عليك وتكون اخر حيضة هذا الشهر حتى النفاس ان شاء الله بوركتي أختي أمة ربي يحلي أيامك ما شاء الله وصفات روعة. اموووووووووووووولة اين انت حنونة ، بارة ان شاء الله يكتب لك ربي الحمل ونسمع بشارتك راني متابعة لأخبار كم ودائما نقرا الأرشيف وربي يسمعنا الأخبار الطيبة عليكن جميعا

hwaml13hwaml7hwaml13hwaml7hwaml13hwaml7

اختكم غفران

رد: تجمع الجزائريات الغاليات المتأخرات في الحمل ‏
 

ان شاء الله ياغفران وانت واش اخبارك
حبيت نسالك اذا لم يكن حمل واش الاسباب لتاخر الدورة
كذالك لاخظت في هذا الشهر فقط سرعان نمو شعر في جسمي لعادة كي نستعمل الحلاوة شهر قع مينوضش هذه المرة اسبوع وينوض

رد: تجمع الجزائريات الغاليات المتأخرات في الحمل ‏
 

السلام عليكم يا احلى بنات ان شاء الله قاع تكونو بخير وعلى خير
ام نهى الف الف مبروك ان شاء الله تروحي وترجعي بالسلامة علابالك كي قلتي لحمي شوك انا ثان راني متمنيتها مازال ربي ماكتبش كي تروحي دعيلنا معاك
بسومة حنونة قاع كرهنا وعيينا منها بصح واش نديرو مكتوب ربي نصبرو حتى يفرجها
غفران حنونة ان شاء الله تكوني بخير
امة توحشتك الزينة بزاف بزاف ربي يعطيك ماتتمناي
نور الهدى حبوبتي انت ثان توحشتك يادرة واش راكي دايرة فيها مع المرارة ربي يشافيك
مريومة يا مريومة وانت ريحانة نيسو ومهدي اداوكم علينا خلاص توحشتكم
سهام راكي تباني كي هلال رمضان
نور الهدى الجيجيلية انت ثان ماراكيش قاع تباني ان شاء الله يكون المانع خير حنونة راني متقلقة عليك
عبير ربي يعطيك وقفة ساهلة ان شاء الله
بارا وعلاه مادرتيش التاست ؟؟؟؟؟؟
لبنات لخريان امومة صبورة جيجي باربي واسما ليال وين راكم ماكمش تبانو طلو الزينات توحشنا مشاركاتكم

رد: تجمع الجزائريات الغاليات المتأخرات في الحمل ‏
 

واش اخبارك الما
درت تست في اليوم 14 من تاخير شرتولي اختي الصغيرة ودرك راهي مع الامتحانات ربي ينجحها
واليوم خلاص تقلقت قتلو اشريهلي وراني نحلل فيه والو
ربي يهديه ويشريهلي

رد: تجمع الجزائريات الغاليات المتأخرات في الحمل ‏
 

[COLOR="rgb(75, 0, 130)"] مرحباً ألما واش راكي لكي وحشة حنونة وربي يفرحك بقرة العين ان شاء الله. انت وكل منتظرة ، بارة حبيبتي اهم الأسباب لتأخر الدورة مع انعدام الحمل كثيرة فان لم يكن عضوي كلخبطة الهرمونات خاصة هرمون الحليب او بويضة معلقة تشكل كيس وأكيد الأسباب كثيرة،،،،،،،،،،، قد يكون نفسي القلق الشديد او الخوف من عدم حدوث حمل والأرجح اذا كانت دورتكي منتظمة ربما الأرجح السبب الثاني ولا تستعجلي حبيبتي ان شاء الله يكووووووووووووون حمل وتبشرينا احيانا يحدث إخصاب متأخر للبويضة متأخرة ولا يظهر في البدايات خاصة تحليل البول اما عن ظهور الشعر فيستحسن تحليل هرمون الذكورة التستسترون باللاضافة الى ظهور الشعر فهو يعطل الحمل كما أوصيكي بإعادة تحليل هرمون الحليب حتى بانعدام الإفرازات الثديية [/COLOR]

ويارب نسمع بشائر كم بالحمل جميعا قبل رمضان hwaml13hwaml13hwaml13hwaml13hwaml13hwaml10hwaml10

اختكم غفران

رد: تجمع الجزائريات الغاليات المتأخرات في الحمل ‏
 

السلام عليكم لبنات كيراكم لباس ام نهى كلشي مبروك عليك اختي الله يسهل والعقوبة لقاع لبنات الله لا يحرم منها حتى مومن

رد: تجمع الجزائريات الغاليات المتأخرات في الحمل ‏
 

الله يبشرك بالخير حبيبتي ويعمر دارك بالدرية الصالحة اختي

رد: تجمع الجزائريات الغاليات المتأخرات في الحمل ‏
 

مشكورة اختي غفران ربي يجزيك

رد: تجمع الجزائريات الغاليات المتأخرات في الحمل ‏
 

مساء الخير حبوباتي ربي يخليكم لي كامل على بالي بلي تفرحولي كما انا نفرحلكم و نحبكم و الله من كل قلبي و ربي راهو شاهد علي


العاقبة ليكم كامل و باذن الله ندعيلكم كل وحدة باسمها

على سلامتك الما يا مولات الصاك كاش حاجة جديدة في الصاك ولا غير هو هو

حبيبتي غفران واش حوالك غبتي علينا انت و امولة حتى هي عندها مدة ما بانت