اقتباس:
المشاركة الأصلية كتبت بواسطة ASMA layal
(المشاركة 3716560)
السلام عليكم
|
و عليكم السلام اهلا الزينة توحشناك لاباس ؟
اقتباس:
المشاركة الأصلية كتبت بواسطة alma021
(المشاركة 3716591)
السلام عليكم لبنات واش راكم كاش جديد انا عندي الجديد
جاتني خالتي مسعودة يسود سعدها وااااااااااااااااااععععععععععععععععععععع
|
و الله يا حنونتي غير فرحت قلت راح تبشرنا بصح ماعليش راني متفائلة بيكم ان شاء الله قريبا تجيو تبشرونا صح و خالتك مسعودة ان شاء الله الاخيرة حتى لبعد النفاس
اقتباس:
المشاركة الأصلية كتبت بواسطة ASMA layal
(المشاركة 3716600)
اهلا الما لاباس
راكي كي حالتي حتى انا راني مع خالتي مسعودة تموت علينا الله غالب
|
ان شاء الله عليها تحملو يا رب و تفرحونا
اقتباس:
المشاركة الأصلية كتبت بواسطة ASMA layal
(المشاركة 3716607)
بنات انا لافامي ديالي الله يبارك كامل راهم بالجوف
خواتاتي مرت خويا بنات خالي وعمي وعرايس خالتي ووووووو وكي نتلاقاو يبقاو يهدرو غير على الزيادة والوحم وانا نسمع برك مايحس بينا غير لي كيما حنا
ياربي فرج علينا وفرحنا بالذرية الصالحة
|
ربي يتمملهم و يرزقكم كاملين ..
اقتباس:
المشاركة الأصلية كتبت بواسطة alma021
(المشاركة 3716657)
اهلا اسما واش راكي لاباس شفتي تقول راهي عاقدة علينا سبحان الله
ايييييييييييييه يا اسما انا عندي 4 سنين وانا نعاني من هدا الموقف تاع الحمل نسا خاوتي وبنات خالاتي وبنات عمي ووووو
اخرتهم مرت خويا عندها عامين مللي ولدت -للعلم هداك العام 3 نسا خاوتي الله يبارك واختي حملو وولدو قريب هبلت هداك العام - ودرك ثان راهي حامل عندها 6 اشهر مانكذبش عليك كرهت العقيقات يارب ونحمل ماقبل ماتلحق الزيادة تاعها
والله غير ربي نفرحلهم ونفرح معاهم وكلش بصح الحاجة اللي تضرني كي نتلاقى بالناس ولافامي في العقيقات تاعهم ويبداو يقيسو فيا بالكلام الجارح ويشفقو عليا ربي يفرج علينا يارب
|
هكذاك انا يا ختي و الله حتى وليت نتهرب نروح للولائم نتحسس بزاف بزاف و هدرة الناس تكوي و تزيد الهم على الهم ,,, المهم ربي يفرج ان شاء الله و تحملو تنساو قاع سنين الانتظار
اقتباس:
المشاركة الأصلية كتبت بواسطة jiji belle
(المشاركة 3716684)
يا رب يرزقنا كلنا يا رب
انا تاني بزاف هزو لي معايا و لي مورايا الله يبارك عليهم
ربي يكون معنا و خلاص
|
كيما حملو تحملي جيجي اختي باذن الله سبحانه و تعالى
اقتباس:
المشاركة الأصلية كتبت بواسطة ASMA layal
(المشاركة 3716712)
ايه يا الما انا جامي درت في بالي نتحط في موقف كيما هذا والله غير صعيب الشي الناس لمرا غير تتزوج يستناو منها تولد وتجيب دراري وصح هاذي هي سنة الحياة انا هبطت عند شيخي وكانت لوستي قاعدة وجات لوست لوستي وكي سلمت عليا قالتلها هادي مرت خويا لي ....وسكتت من التقلاق قلتلها واش لي؟؟؟؟ هبطت عينيها وسكتت قريب ربحتلها العيب علاش قولي مرت فلان ولا مرت خويا الصغير الكبير علاش تقولي لي ماتولدش ياخي عباد
|
شفتي ؟؟ ياخي ياخي عباد ربي يهديهم و يبعدنا على شرهم و الله الناس ولاو بلا عاطفة بلا احساس ,,, ربي يلطف
اقتباس:
المشاركة الأصلية كتبت بواسطة ASMA layal
(المشاركة 3716717)
اهلا جيجي لاباس عجبني الموضوع لي درتيه تاع التفاؤل يارب قبل مايجي رمضان نكونو كامل نتوحمو
|
امين يا رب تما تكون الفرحة العظمي ,,, امين يا رب يا حنين يا كريم
اقتباس:
المشاركة الأصلية كتبت بواسطة Nourelhouda
(المشاركة 3716781)
اهلا اسما واش راكي لاباس،،،
و الله ياحنونة مايحس بالجمرة غير اللي كواتو و انا راني مكوية تاع الصح ،،،، كيما قلتي كامل اللي مورايا حملو وولدو سورتو في لافاميل تاع راجلي لوستي تزوجت نورايا بعام و اربع اشهر الله يبارك راهي بزوج اولاد ربي يحفظهم و حتى مرت لوسي اللي تاخرت سنة في الحىل راهي حامل في ثلاث اشهر و ثعدت غير انا كي الراية تاع العلام في وسطهم نفرفر و عيىن الناس كامل عليا و راني سوجي تاعهم في كل مناسبة تلقايهم يجبدوني علاجال الدراري سوا في حضوري والا في غيابي ،،،،،، و اللي راه زايد الطين بلة هو اللاملاة تاع السبع تاعي راه هاني تقول عندو 12 طفل في رقبتو ،،،، راني حايرة البرودة تاعو و قلبو اللي راه دارو شطيطحة و كلاه
،،،،، مادابيا يعطيني هذ الهناء اللي راه عايش فيه،،،، و كل مانقولو نروحو نداويو يقولي نجيبو يتيم نربيوه،،،،،
نعرف واحد يبيع سبابط هنا في بويرة تزوج عندو قريب عامين تعرفو لوستي و السيد هايل مرتو تحنل و تطرح اتخيلو من بويرة دار موعد عند الدكتور بن غربية تاع حسين داي العاصمة كي قالي علاش ماتروحيش عندو انا راني ديت موعد اتخلعت،،،،، قلت السيد من هنا و راح يروحلو و الحق هو دارلنا القلب و رحنا عندو بصح اعطانا التحاليل و ماوليناش،،،،
نهار الاربعاء جزت عليه انا و لوستي اتخيلو مرت السيد هذا ولدت و جابت طفلة قالي هو بن غربية اللي داواها شهرين يتبعو عندو حملت بفضل الله،،،، قالي بصح تبعنا و تمرمدنا قالي باش نروحو للعاصمة و ماكاش وين نباتو قالي بصح ربي ماضيعش تعبنا خسارة ،،،و كي سقساني عليا قلتلو خليها على ربي ،،،، و كي جيت للدار حكيت لراجلي سكت ماقال والو قلتلو الناس كامل حملت وولدت و انت اقعد شد حناكك،،،،
عييت بزاف خلاص راني راح نطرطق من كلش يالطيف،،،،
و المشكل تلقاي حتى العباد اللي قراب ليك يزيدولك همهم الناس رجعت مخلوعة على ولادها تقول غير هما اللي ولدو يجرحونا بتصرفاتهم و مايحسوش بلي راهم يقتلو فينا و يزيدو الله يهديهمممم،،،،،،،،
|
حبيبتي نور الهدى ربي يرزقكم و يحلي ايامكم بالدراري و ان شاء الله ربي يهدي العباد لي عندهم ما هبلو فينا و خرجونا من عقلنا بصح الحمد لله عندنا رب حنين كريم قادر على فعل كل شيء ,,و ربي يفرحكم كامل
اقتباس:
المشاركة الأصلية كتبت بواسطة ASMA layal
(المشاركة 3716844)
ايه يانور واش تحبي يا اختي ربي يصبرنا وخلاص حاجة ماشي ساهلة والناس الله يهديهم مايحسوش بينا والله غير رانا كامل كيف كيف انا نبات نبكي علابالك كي نتفكر عرسي البنات كامل كانو ماشي مخطوبين وانا الاولى لي تزوجت فيهم ومنبعد تخطبو وتزوجو وولدو الاول وراهم بالجوف اه شحال صعيب هاد الشعور لوكان غير كي يشوفونا مايهدروش ولا يبدلو السوجي علاش كاين غير موضوع الدراري في هاد الدنيا ربي يفرج وخلاص
انا على راجلك نقولك غير رقيلو قبل مايفوت الوقت وحتى انت ارقي ليك نعرف واحدة تزوجت 19 سنة ودوكا راهي 40 سنة وماعندهاش الدراري وكان راجلها مايحوسش يداوي وهي تقول نورمال مازالني صغيرة ومع الاخر نبهوها للرقية وكي رقات لقاو بلي عندهم سحر بصح رقات متأخرة غير هنا هنا قالتنا لوكان لقيت لي ينصحني مانقعد هاد الوقت كامل غير جربي الرقية وحتى انا راني حابة نجيب راقي للدار
|
ايه و الله من قبيل نقرا و لدموع يهبطو وحدهم ربي يفرج عليكم اختي
اقتباس:
المشاركة الأصلية كتبت بواسطة bara
(المشاركة 3716849)
السلام عليكم
الله يعوض عليك انا تاني جاتني بعد تاخر 6 ايام ولله مورال طايح
الله يعوض عليك ان شاء الله هذه اخر مرة تشوفيها
ربي يفرج عليك ويرزقك في قريب العاجل
الله يهديهم
عجوزتي جات من العمرة وليجي يسالني نفس سؤال ويعدو يتكلمو هديك تتوحم وهديك ولدت وو.........حتى عدت نتهرب ومنقعدش معاهم
وجاتنا سلفت عجوزتي وقالت لعجوزتي متقعدش عندنا ليمتجيبش ذراري خرجيها بصح خوتات زوجي مسكتولهاوقفوها عند حدها الله يهديهم ولله كلامهم يجرح الله يهديهم
|
و عليكم السلام بارا انت تاني قلو دخلاتك حنونة واشراكي ؟
شفتي لالة و الله ماكان ما دخلها فالوسط خلي وكيلها ربي المهم سلفاتك معاك و وقفوها عند حدها
اقتباس:
المشاركة الأصلية كتبت بواسطة Nourelhouda
(المشاركة 3717020)
لاحول و لا قوة الا بالله العلي العظيم،،، اختي برا و الله الناس هبلت واش دخلها سلفت عجوزتك الله يهديها برك،،،،،
اسما نصبرو واش نديرو،،،، انا رجعت نحس الناس تستشفى فيا مافهمتش علاش،،،،،، من هدرتهم الجارحة و كلامهم المسموم،،،،
انا درك راني صليت ركعتين قيام الليل و راني نستغفر رفدت راسي باش ندعي و شفت الحيوط تاع داري و الستائر تقول اول مرة نشوفهم تفكرت نهار دخلت لداري و انا عروسة شحال كنت فرحانة و نشري و نوجد و نتول تفكرت بلي كنت ناوية نبدل الستائر تاع داري نهار اللي نولد و ندير عقيقة،،،،، درك شفتهم هما هما مابدلتهمش كامل غاضتني عمري بزاف،،،،،،و درك راح نرحل من هذ الدار في اوت و انا مافرحاش فيها كيما دخلتها كالم راح نخرج منها كالم،،، كيما دخلت انا وحدي كيما راح نخرج منها وحدي لا بيبي لا ذراري لا والو،،،،،، عييت و كرهت راه هبطلي المورال راه يحفر ذاق خاطري بزاف ماعرفتش لوين انصد، علابالي راح تقولولي اصبري و استغفري،،،، راني صبرت و راني نستغفر بصح قلبي عيا و راسي راح يطرطق من التفكير و رغبتي في الحنل زادت فوق حدها لدرجة لوكان تجيني الدورة هذ الشهر بالاك نهبل ،،،،،،، ربي اغفرلي و يسرلي،،،،،
|
نور حنونة دوك تفلقت و الله ما شديت روحي تاع الصح ,, صح الدار صامطة و بزاف بلا دراري انا نقيل ندور من بيت لبيت و نتفرج فالبيوت فارغين و الدار كالم السكات ماكان شكون يطيخ ما كان شكون يروي ,,,, ربي يرزقك حنونتي و صح مهما نستغفرو و نصبرو و نحاولو ننساو فكرة الحمل بصح جامي تنساي,,,, انا لحد الان مازالت تجيني هاديك الرغبة تاع البكا على الدراري نبكي حتى تحكمني الرعشة مالغري حامل و الحمد لله ,,, والفت 20 سنة و انا غير نعاني و نتعذب ما نامنش مليح مليح حتى نشوف لي في كرشي بين يديا و يا رب تكمل فرحتي و كامل يرزقكم ربي
اقتباس:
المشاركة الأصلية كتبت بواسطة AMAL JADID
(المشاركة 3717039)
مكنتش حابا ندخل و نكتب بصح و الله نقلك حاجا
رانا في نعمة
والله وواش راني نقولو من قلبي
تعلمت صوالح بزاف بلا الدراري و منزيدش نحزن خاطرش عندي امل في ربي يجي نهار
واذا مجاش نحمد ربي لانو دراري ماشي كلش في هاذي الدنيا
شعال من وحدا متزوجوش ممبا
هاديك واش تحكي؟؟؟
شعال من وحداا راجلها عندو 0 حيوانات منوية و معندوش حتى امل هاديك واش تحكي؟؟؟
شعال معندهاش مبايض او حكمها كونسار ربي عافينا هاديك واش تحكي؟؟؟
انا شفتهم بنات في عمر الزهور منحيينلها الرحم كامل بالمبايض حكمها كونسار هاديك واش تحكي؟؟
تموت؟؟ عايشين والله بالاك خير مني
لانو الحيات ماشي غير دراري
كاين مليار حاجا راهي معطلتنا عليهم جريتنا للدراري
مضيعين حاجات بزااااف
كي ترفدي يبانولك شعال من سنا راحو في تخمام
انا وكلت امري لربي و عندي ثقة في ربي ميضيعنيش خلاص عيشي حياتك عادي و ربي يفرج
وقولي كلامي قاسي
بصح هادي هي الحقيقة المرة الحمد لله رانا خير من غيرنا hwaml13
|
امولة حنونة صح كي تشوفي العباد تقولي الحمد لله
وحدة ما جاهاش المكتوب تتزوج ,, وحدة خانتها الصحة و ,,, و ,,,,
بصح الله غالب هاذي هي النفس الوحدة بمجرد ما تتزوج تحب تولي ام و تتمنى يتحققو قاع الاحلام لي حلمتهم بكري و وحدة ما تنكر و الله كامل هنا محروقين على الدراري و ربي يرزقكم كامل
اقتباس:
المشاركة الأصلية كتبت بواسطة ندى الوردة
(المشاركة 3717238)
صباحكم ورد ورياااحين
|
اهلييييييين حنونة لاباس .
اقتباس:
المشاركة الأصلية كتبت بواسطة ASMA layal
(المشاركة 3717356)
يابنتي قطعتيلي قلبي راني نقرا ونبكي وراني حاسة بكل كلمة قلتيها كشغل راكي تحكي عليا سبحان الله
ربي يفرج عليك ان شاء الله ويعوض صبرك بتوام ماتفقديش الامل
|
ربي يفرج ايه غير حنا لي نحسو ببعضانا و الله لي ما ذاقش الحرمان ما يحس حاشا البعض ربي يفرج برك
اقتباس:
المشاركة الأصلية كتبت بواسطة امال3
(المشاركة 3717394)
السلام عليكم بنات
|
و عليكم السلام واشراكي ؟
اقتباس:
المشاركة الأصلية كتبت بواسطة bassouma
(المشاركة 3717430)
لبنات صباح الخير
نور الهدى أنا نقرى في كلامك و قلبي يتقطع واش نديرو الحمد لله مزية لي نعمة أطفال يمدها و لا ما يمدهاش تجي منعند ربي ماشي منعند العباد ربي يفرج علينا و يحل حزامنا و يرزقنا الذرية الصالحة
|
و الحمد لله حنونتي ربي يفرحكم كامل ان شاء الله
اقتباس:
المشاركة الأصلية كتبت بواسطة ام عمر و هبة
(المشاركة 3717440)
السلام عليكم واش راكم كلكم ان شاء الله تكونو كامل بخير
ما تزعفو ما والو يجي نهار الي نرفدو ويباركو لنا كيما رانا نباركولهم ونفرحولهم ربي كي يحط السبب الاطباء ةيحيرو و كي ينحي ربي السبب حنا نحيرو كلش بربي
انا شحال قسيت من الهدرة بصح ماكاش هدرة توجعني قد هدرة تع عجوزتي راهي حابة تقنع وليدها باش يعاود يزوج وديما تبيكيني كي نكونو عندها تبدا تقولو صحابك كامل راهم بولادهم وكي نتفكرك نبدا نبكي هو مسكين ينوض يخرج و ان نبقا نمص في القارص و لي توجعني كثر وكثر كي لافامي تع راجلي يرفدو يقولي راس لوكان غير كاش ما يصرالي ما نحضرش القهوة ولا السبوع ولا كاش ما يديرو
اييييه واش نحكو واش نخلو راكم لعبتو على الوتر الحساس في حالتنا كل التوتر الي رانا عايشينو بسبب النظرة تع الناس
فكرتني اخت نور الهدى على بلغربية انا رحت عندو والله غير قالي ماعندي ما نديرلك بنتي روحي وما تزيديش توالي ايماجينو كل ما نروح عند كاش طبيب يقولولي نفس الهدرة و الله غير نحشم من راجلي نقولو قالولي استناي تتحسن حالتك ووالي نداويوك وهو فايقلي ويقولي خليها على ربي وخلاص و الله غير صعيب تنحيها من بالك انا وحدة مستحيل نرقد ولا ننوض بلا ما نفكر في الدراري وليت ما نقدر نفكر في حتى حجا واحد اخرة غير هذه الفكرة كيفاش راح نرفد انا ووقتاش ربي يكون في العون وان شاء الله يفرحنا في القريب العاجل
|
حنونة جامي تقطعي لياس شدي في ربي سبحانه و تعالى يجعل المستحسل ممكنا انت ديري بالاسباب و ربي هو المعطي ,,,,
اقتباس:
المشاركة الأصلية كتبت بواسطة Nourelhouda
(المشاركة 3717710)
كل وحدة ربي ابتلاها بحاجة في هذ الدنيا و كل وحدة راهي تشوف بلي غير هي اللي بلوتها اعظم،،،،،،، رانا نشوفو في ناس ربي اعطالهم كلش و هكذاك جهلو،،،،، راني نحمد ربي صبح و عشية على نعمة الصحة،،،، بصح كي ماشي الدراري كلش في هذ الدنيا علاش الواحد يتزوج؟؟؟؟؟ كون هكذا كون قعدت في دارنا و خلاص، اسمحيلي هذ الهدرة تاع الدراري ماشي كلش في هذ الدنيا هدرة نقولوها فوق القلب برك باش نصبرو روحنا،،،،،،
راني نشوف في الذرية تاع درك كيفاش راهي دايرة و الناس كامل لحقو يحلو فمهم يقولو ربي هناك ربي يحبك ما اعطاكش ذراري و الله مصيبة؟؟؟؟ حتى في هذي يحسدو و يجرحو،،، و انا نقوللهم ايه عندكم الحق على خاطر ماحسيتوش،،،،، انا راني حابة نجيب ذراري نربيهم نسهر معاهم يمرضو نداوي يقباحو نعاقب نفرح بيهم قدامي يكبرو، نشريلهم نقريهم نفرح بنجاحهم نزوجهم نفرح نهار نرجع جدة ،،،،،،، كي نشوف مصائب الناس ننسى مصيبتي بصح حتى انا راني مبتلية و الحمد لله،،،،،
|
ايه الدراري نعمة عظيمة و ان شاء الله ربي يطعمنا كامل من هادي النعمة
اقتباس:
المشاركة الأصلية كتبت بواسطة Nourelhouda
(المشاركة 3717795)
امال انا راحلي غندو صفر حيوانات منوية و دارولو الخزعة و مالقاولوش الخلايا غير ناضجة و غير قابلة للتلقيح و هكذاك حمدنا ربي و شكرناه و قلنا ربي يجيب،،،،
الهدرة اللي هدرتها مافيها حتى سلبية انا ماقطعتش لياس الحمد لله راني عارفة و متأكدة بلي ربي يرزقنا في القريب العاجل بصح الله غالب رانا من شحم و لحم و قلبنا راه لحمة و نحسو ايام نكون الحند لله مقتنعة بقضاء الله و قدره و ايام الله غالب مع عباد الله اللي تساميهم يخلوك تخرجي طريق رغم اني معاهم ندير روحي قوية بصح كي نكون وحدي مانقدرش نصبر مانحملش و نتفكر الهدرة تقيسني و توجعني،،،،،،، الحمد لله على كل حال،،،،،
انا راجلي منو المشكل و دار عجوزتي عارفين بلي وليدهم منو و هكذاك و لوستي تقولي زعمة صح خويا منو،،،،، يعني واش راهي تحوس ؟؟؟؟ و راكي تشرفي البنات واش راهم يحكيو،،، و على اللي عندهم ذراري و ماشي هانيين خلينا نشوفو للي عندهم و ذراري و راهم الحمد لله عايشين حياة جميلة و سعيدة ربي يكمللهم،،،،
السلبية يا امل انت راكي تشوفي فيها راكي تخرجي روحك من الواقع اللي راكي فيه تاع ماكاش الذراري و تربطيه بالسلبية من واش راكي تشوفي من عند نسبة من الناس،،،،،، علاش انت و راحلك ماتشوفوش للتاس اللي عندهم ذراري و راهم الحمد لله هانيين؟!؟!؟!؟!؟
و بلا هدرة الناس قوليلي كي تروحي للسوق و لا حوانت تاع اللبسة تاع الذراري ماتحسيش بحاجة في قلبك تعصرك؟؟؟ ملي كنا صغار و نلعبو بيتة نديرو روحنا تزوجنا و من بعد نديرو روحنا بالحمل و بلي ولدنا و نحكمو البوبية زعمة بنتنا،،،،،، انا هذو كامل عشتهم و ياما كنت ندير مخايد في كرشي باش نلعبها بالحمل و نشوف روحي في المرايا كيفاش نبان بكرشي هههههههه تفكرت راني نضحك،،،،،، الله يرزقنا،،،،
|
هههههههه نو ريعطيك الربح انا فكرتيني فخواتاتي قل مني كنت دايما نضارب معاهم كي يديرو كرشهم بالطرايف و يدورو ينساو على رواحهم قدام خوتي الذكوراا ,, انا ما تمتعتش بزاف بالطفولة تاعي على خاطر انا الكبيرة من البنات و يما الله يرحمها جابت ورايا 12 الله يبارك و تعرفي قيمة الاخت الكبرى فالدار ,,,, مرة اختي الصغيرة انصاف دارتلها اختي لي فوقها بالماكياج بلحطت وجها كيما الكلون ههههه و لبست ثالون و تداور كانت في عمرها غير 4 سنين هههه و دوكا الله يبارك 24 سنة متزوجة و قريب تجيبنا بيبية مسكينة من زهرها هداك النهار خويا منيرفي و زعفان قاتلو خويا سوفني كيما العروسة هو صرخ فيها و مسحلها الغوج الاف ههههه جات ليا تبكي تبكي و الكحول يزيد يهبط فكرتيني يا عمرررري درعتها و ماكييتلها ماتت بالفرحة
اقتباس:
المشاركة الأصلية كتبت بواسطة Nourelhouda
(المشاركة 3717801)
امل النفسية تاع الانسان مستحيل تتحكمي فيها،،،،،، صح تقولي ننسى و نعيش خياتي و انا وحدة قلتها شحال من مرة بصح تتفكري تتفكري،،،، في الاسبوع نعيش ستة ايام بدون التفكير في الحمل و يوم نجوزو نهار كامل في غمة و ضيقة كي نتفكر،،،،، لوكان راني عايشة وحدي في الغابة نقولك ننسى بصح مابيد عباد الله حولك يعسو و خدمتهم التجريح و يفكروك بهمك ،،تتفكري تتفكري،،،،،
|
ايه نور كلامك مية مية صحيح ربي يفرحك مكامل يا رب و تنساو
اقتباس:
المشاركة الأصلية كتبت بواسطة Nourelhouda
(المشاركة 3717812)
البنات طمنونا على بسومة الحامل تاع فرنسا راهي مابانتش! !؟!؟!
اللي عندو الرقم تاعها يطمنا عليها،،،،
|
ايه و الله قلبي راه معاها ربي يشافيها و يثبت حملها و يخليلها هاديك العميرة الزوينة
اقتباس:
المشاركة الأصلية كتبت بواسطة غفران شكران
(المشاركة 3717825)
السلام عليكم البنات ربي يرزقكم ويفرح قلوبكم في القريب العاجل وان شاء الله نديروا تجمع ونسموه متاعب الأطفال وفرحتهم وتكونوا ان شاء الله أولى المشاركات وهدرتنا ان شاء الله هذه تولي من الذكريات وقولو قالت غفرونة الحمد لله الأمل رايح ويزيد وكاين بزاف لنجحلهم التلقيح والوسائل الجديدة ورفدو توائم وعوض هم ربي خير الانتظار وان شاء الله أنتم كذلك. ربي يسمعنا الأخبار الطيبة ،،،امولتي هدى ام عمر امنهى بسومة ،،،،،،،،،،،،،وكل الغائبات عنا hwaml13hwaml13hwaml13hwaml13
|
امين يا رب
وشراهو الزين تاعك بوسيهولي
اقتباس:
المشاركة الأصلية كتبت بواسطة alma021
(المشاركة 3717835)
السلام عليكم وش راكم لبنات
حبيت نعقب على كلام امل نسقسيك سؤال امل وجاوبيني بصراحة واش هي زينة الحياة الدنيا ؟؟؟؟؟وش هي اجمل حاجة في هاد الدنيا من غير الاولاد ؟؟ صح مالازمش الواحد يكون التفكير تاعو قاع منصب على الحمل بصح مستحيل تقدري تعيشي بلا ماتحلمي بللي عندك اولاد تلبسيهم وتقريهم وتكبريهم على طاعة ربي والنبي وزيد فوق هدا مادام رانا متزوجين وش يجي بعد الزواج اكيد الذراري.....
صح قوليلي كي تموتي شكون رح يدعيلك من غير وليدك ؟؟؟؟؟؟؟
والحاجة الاخيرة اللي نزيد نقولهالك كون ماراكيش حابة تحملي وراهي في قلبك وراكي تخممي فيهم دايما كون مكيش تدخلي لمنتدى حوامل ولا منتدى تاخر الحمل انت راكي تباني كالية روحك كثر مننا وتقولي العكس وفي الخير نتمنى ربي يرزقك ويرزقنا اجمعين
|
نعم الما كلامك موزون غاية يا رب تفرحو و نفرحو كامل يا رب
اقتباس:
المشاركة الأصلية كتبت بواسطة Nourelhouda
(المشاركة 3717852)
ايه سمعت بيها تاع الهلايا الجذعية و راهي تحت التجربة و كاين اللي نجحتلهم في الاردن و مصر و كنا ناويين نروحو للاردن نعالجو لكن صرات عندنا طروف الله غالب منعتنا من الذهاب،،،،،
الحمد لله الطب تقدم و رانا نتسببو وربي يجيب اللي فيه الخير و الحمد لله رانا نحاولو نتقربو لربي سبحانو بشتى الوسائل،،،،،
ربي يرزقنا من واسع فضله،،،،
|
ربي يوtقكم حنونتي
اقتباس:
المشاركة الأصلية كتبت بواسطة Nourelhouda
(المشاركة 3717875)
انا باذن الله راح نروحو للاردن هكذا راني نقول على خاطر الاردن بزاف راهم تقدمو في الطب،،،،و ربي يسهل،،،،
مور مادرنا الخزعة ماما راحت للاردن و دات التحاليل للطبيب تماك قاللها كان لازم يحوسولو في كلتا الخصيتين و في كل خصية لازم يحوسو فيها يديرو تفتيش ماشي ينحولو خلية بشكل عشوائي،،،،،،قاللها قوليلهم يعاودوها و احنا قلنا نروحو للاردن نعاودو كلش بصح لازملها دراهم كبار،،،،،، و ربي يسهل على كل واحد،،،،،
|
حنونة غير يسهل ربي و ما عليش تكلف ما يهمش
اقتباس:
المشاركة الأصلية كتبت بواسطة rayhana05
(المشاركة 3717904)
سلام الزينات واش اخباركم ان شاء الله بخير
و الله غير توحشتكم بزاف و الرب الي يعلم
الما لباس
نور واش راهو حسونة ان شاء الله بخير
البنات كامل ان شاء الله نسمع عليكم اخبار طيبة
|
اهلين يتوحشك الخير الزينة واشراهو ميدوووو توحشتوو
اقتباس:
المشاركة الأصلية كتبت بواسطة alma021
(المشاركة 3717907)
وشكون قالك راني حابة نقعد فالبيسيميست ؟؟؟؟؟؟؟؟
نهار ربي سبحانو ياذن بالحمل والله يالوكان منيش عارفة وين راكي غارقة يجي يجي كاين حاجة وحدة برك حسن الظن بالله هي اللي تنفع .......
وعلى طاعة الزوج الحمد لله مكاش اللي راهي هنا وماهيش طايعة زوجها وقاع ان شاء الله ندخلو من باب طاعة الزوج قاع راهم فاهمين وقاريين ويعرفو الدين مليح وهادي سنة الحياة مور الزواج الذراري ومن مقاصد الزواج حفظ النسل باش تكثر امة سيدنا محمد عليه افضل الصلاة كيما قال الرسول صلى الله عليه وسلم - تزوجو الولود الودود فاني مكاثر بكم الامم يوم القيامة -شوفي مليح الحديث كان قادر مايذكرش الولود
ومهما يكون مكاش فهاد الدنيا اللي متزوجة وماعندهاش الذراري وماتفكرش فالحمل مستحييييييييييييييييييييييييل بصح كاين درجات والمجتمع تاعنا هو اللي يجبرك تخممي فيه رانا عايشين في مجتمع واحد وعارفين العقلية كيفاه دايرة
هدا رايي الشخصي ونعاود نقولها ربي ان شاء الله يرزقنا اجمعيييييييييييين في القريب العاجل
|
امين يارب
اقتباس:
المشاركة الأصلية كتبت بواسطة Nourelhouda
(المشاركة 3717923)
و الله يا امينة صح هذ المجتمع هو اللي راح يهبلنا كثر من المشكل تاع الحمل سرتو نسبة الجاهلين دينيا كثرو عمبالهم كلش هما يديروه نساو بلي ربي هو يمد و هو ينحي،،،، الله يهديهم و ذرزقنا اجمعين،،،
البنات القسرة معاكم حلات بصح راهي عندي قرايا لوذنية و ماقدرتش نحل كتاب واحد و غدوة لازم ندي شوية خدمة للمشرف و الا يندبلي سعدي،،،،،
استسمحكن اخواتي نلقاكم في الليل باذن الله،،،،،،
|
اخخخخ ما تفكرينيش يا ما عديت و جوزت و عانيت من كلام الناس لهايل
اقتباس:
المشاركة الأصلية كتبت بواسطة rayhana05
(المشاركة 3717925)
ربي يرزقكم كامل يا لبنات
|
امين يا رب
اقتباس:
المشاركة الأصلية كتبت بواسطة عقيلة
(المشاركة 3718166)
سلام لبنات راني جيت لعندكم بعدما ما كنت في تجمع الحوامل
ربي ماكتبليش يعيش البيبي نتاعي والحمد لله أنا ربع أولاد فقدتهم في ولادات مبكرة
الله يرزقنا أجمعين الذرية الصالحة
|
اهلا حنونة ربي يعوضك باربع توائم و يفرحك بيهم
اقتباس:
المشاركة الأصلية كتبت بواسطة AMAL JADID
(المشاركة 3718308)
صح عندك الحق
ميحس بالجمرة غير الي كواتو
صعيبا اكيد كي تكون المرا هي سبب
بصح المجتمع تاعنا يشوف ديراكت للمرا حبت هي ولا لالا
اصلا صعيبا نقولو رجالنا فيهم المشكل اذا فيه المشكل
|
ايه صح شفتي بكري كانو يطلقو فالنسا هاكديك ,, لي ما تولدش ديراكت يرميوها زعما المشكل يكون غير فيها و بزاف نسا ضاعو هكدا ... وحدة جارتنا و فاميلتنا من بعيد تزوجت في 4 شهور كي ما حملتش طلقوها ,,, و راجلها عاود تزوج بوحدة ما ولدتش زاد طلقها و تزوج للمرة التالتة ,, هداك العام تزوجو كيف كيف هي عاودت الزواج للمرة التانية و حملت من شهرها
