|
رد: تجمع الجزائريات الغاليات المتأخرات في الحمل
ايه يانور واش تحبي يا اختي ربي يصبرنا وخلاص حاجة ماشي ساهلة والناس الله يهديهم مايحسوش بينا والله غير رانا كامل كيف كيف انا نبات نبكي علابالك كي نتفكر عرسي البنات كامل كانو ماشي مخطوبين وانا الاولى لي تزوجت فيهم ومنبعد تخطبو وتزوجو وولدو الاول وراهم بالجوف اه شحال صعيب هاد الشعور لوكان غير كي يشوفونا مايهدروش ولا يبدلو السوجي علاش كاين غير موضوع الدراري في هاد الدنيا ربي يفرج وخلاص
انا على راجلك نقولك غير رقيلو قبل مايفوت الوقت وحتى انت ارقي ليك نعرف واحدة تزوجت 19 سنة ودوكا راهي 40 سنة وماعندهاش الدراري وكان راجلها مايحوسش يداوي وهي تقول نورمال مازالني صغيرة ومع الاخر نبهوها للرقية وكي رقات لقاو بلي عندهم سحر بصح رقات متأخرة غير هنا هنا قالتنا لوكان لقيت لي ينصحني مانقعد هاد الوقت كامل غير جربي الرقية وحتى انا راني حابة نجيب راقي للدار |
رد: تجمع الجزائريات الغاليات المتأخرات في الحمل
السلام عليكم
اقتباس:
اقتباس:
اقتباس:
اقتباس:
عجوزتي جات من العمرة وليجي يسالني نفس سؤال ويعدو يتكلمو هديك تتوحم وهديك ولدت وو.........حتى عدت نتهرب ومنقعدش معاهم وجاتنا سلفت عجوزتي وقالت لعجوزتي متقعدش عندنا ليمتجيبش ذراري خرجيها بصح خوتات زوجي مسكتولهاوقفوها عند حدها الله يهديهم ولله كلامهم يجرح الله يهديهم |
رد: تجمع الجزائريات الغاليات المتأخرات في الحمل
لاحول و لا قوة الا بالله العلي العظيم،،، اختي برا و الله الناس هبلت واش دخلها سلفت عجوزتك الله يهديها برك،،،،،
اسما نصبرو واش نديرو،،،، انا رجعت نحس الناس تستشفى فيا مافهمتش علاش،،،،،، من هدرتهم الجارحة و كلامهم المسموم،،،، انا درك راني صليت ركعتين قيام الليل و راني نستغفر رفدت راسي باش ندعي و شفت الحيوط تاع داري و الستائر تقول اول مرة نشوفهم تفكرت نهار دخلت لداري و انا عروسة شحال كنت فرحانة و نشري و نوجد و نتول تفكرت بلي كنت ناوية نبدل الستائر تاع داري نهار اللي نولد و ندير عقيقة،،،،، درك شفتهم هما هما مابدلتهمش كامل غاضتني عمري بزاف،،،،،،و درك راح نرحل من هذ الدار في اوت و انا مافرحاش فيها كيما دخلتها كالم راح نخرج منها كالم،،، كيما دخلت انا وحدي كيما راح نخرج منها وحدي لا بيبي لا ذراري لا والو،،،،،، عييت و كرهت راه هبطلي المورال راه يحفر ذاق خاطري بزاف ماعرفتش لوين انصد، علابالي راح تقولولي اصبري و استغفري،،،، راني صبرت و راني نستغفر بصح قلبي عيا و راسي راح يطرطق من التفكير و رغبتي في الحنل زادت فوق حدها لدرجة لوكان تجيني الدورة هذ الشهر بالاك نهبل ،،،،،،، ربي اغفرلي و يسرلي،،،،، |
رد: تجمع الجزائريات الغاليات المتأخرات في الحمل
اقتباس:
رانا في نعمة والله وواش راني نقولو من قلبي تعلمت صوالح بزاف بلا الدراري و منزيدش نحزن خاطرش عندي امل في ربي يجي نهار واذا مجاش نحمد ربي لانو دراري ماشي كلش في هاذي الدنيا شعال من وحدا متزوجوش ممبا هاديك واش تحكي؟؟؟ شعال من وحداا راجلها عندو 0 حيوانات منوية و معندوش حتى امل هاديك واش تحكي؟؟؟ شعال معندهاش مبايض او حكمها كونسار ربي عافينا هاديك واش تحكي؟؟؟ انا شفتهم بنات في عمر الزهور منحيينلها الرحم كامل بالمبايض حكمها كونسار هاديك واش تحكي؟؟ تموت؟؟ عايشين والله بالاك خير مني لانو الحيات ماشي غير دراري كاين مليار حاجا راهي معطلتنا عليهم جريتنا للدراري مضيعين حاجات بزااااف كي ترفدي يبانولك شعال من سنا راحو في تخمام انا وكلت امري لربي و عندي ثقة في ربي ميضيعنيش خلاص عيشي حياتك عادي و ربي يفرج وقولي كلامي قاسي بصح هادي هي الحقيقة المرة الحمد لله رانا خير من غيرنا hwaml13 |
رد: تجمع الجزائريات الغاليات المتأخرات في الحمل
صباحكم ورد ورياااحين
|
رد: تجمع الجزائريات الغاليات المتأخرات في الحمل
اقتباس:
ربي يفرج عليك ان شاء الله ويعوض صبرك بتوام ماتفقديش الامل |
رد: تجمع الجزائريات الغاليات المتأخرات في الحمل
اقتباس:
ناس جاهلة الله غالب ربي يفرحك ان شاء الله في القريب العاجل |
رد: تجمع الجزائريات الغاليات المتأخرات في الحمل
اقتباس:
الحمد لله حمدا كثيرا بصح قد مانشدو ونصبرو يجي لي يقيسنا بالهدرة ويهبطلنا المورال وغريزة الامومة ملي كنا صغار نلعبو وهي فينا الله غالب متمنيين طفل واحد برك يعمر علينا الدار متمنيين طفل نفرحو بيه ازواجنا ووالدينا والناس لي يحبونا يارب فرجك |
رد: تجمع الجزائريات الغاليات المتأخرات في الحمل
السلام عليكم بنات
|
رد: تجمع الجزائريات الغاليات المتأخرات في الحمل
لبنات صباح الخير
نور الهدى أنا نقرى في كلامك و قلبي يتقطع واش نديرو الحمد لله مزية لي نعمة أطفال يمدها و لا ما يمدهاش تجي منعند ربي ماشي منعند العباد ربي يفرج علينا و يحل حزامنا و يرزقنا الذرية الصالحة |
| الساعة الآن 03:20 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .