المشاركة الأصلية كتبت بواسطة عبير الحرية (المشاركة 3707084)

اهلا نور الهدى و مريم

اليوم نتاع الصح عيييد

ام مصعب اختي مارحبوش بيك ماشي معناتها ما يحبوكش

النهار الاول كامل قلنا هكا و من بعد تتبدل النظرة الايام تبين المليح من الخايب

امل اختي هذه المرة الثانية الي يكون هنا موقف معاك ماشي الاولى اذا تتذكري مليح نهار دخلتي حبيتي توعينا

و تبيني بالي كاينة كيما تقولو ناس مرضى تدور و قتلك نهارها راكي غالطة في الزمان و المكان

و اليوم زدتي ثاني حبيت تلمي الشمل فرقتيه

بكلمة عقيمات رايحة تقولي مانيش منهم لالا انا اول واحدة قاستني الكلمة لاني نمثل كل واحدة من الي ذكرتهم سابقا

اما عن الاشراف كيما قالت مريم اسهل حاجة

نحنا الي نحط القوانين الي تريح لبنات كامل ماشي الاشراف

و اش مريم اخر اعترافاتك انك راجل بطلتي هههههههههههههههه

المشاركة الأصلية كتبت بواسطة صبورة (المشاركة 3707086)

وقيلا اليوم العيد
مريم و نور الهدى لعميرات تا عي واشراكم يا قلبي نحبكم ..و نيسوا و حسونة راهم يغليوا فيةقلبي. .ربي يحفظهم. ..

المشاركة الأصلية كتبت بواسطة asma layal (المشاركة 3707089)

اهلين بالحبايب مريومة الزينة ونور العزيزة لاباس

الما حنونة حتى انا توحشتكم كاااامل

المشاركة الأصلية كتبت بواسطة صبورة (المشاركة 3707086)

وقيلا اليوم العيد
مريم و نور الهدى لعميرات تا عي واشراكم يا قلبي نحبكم ..و نيسوا و حسونة راهم يغليوا فيةقلبي. .ربي يحفظهم. ..

المشاركة الأصلية كتبت بواسطة مريم13 (المشاركة 3707097)

ما بطلتش راح نولي راجل في هاد التجمع
حبيت انوه هادي 3 مرة الاولى معاك التانية مع الجيجلة على خطأ مطبعي والتالتة مع باربي او بالاحرى معانا كامل لأنو الكلمة تقيس




صبورة حبيبتي واش احوالك ان شاءالله بخير


اسومة توحشتك راكي كي لقمر

المشاركة الأصلية كتبت بواسطة Nourelhouda (المشاركة 3707083)

شوفو البنات هذا التجمع اندار باش يكون هناك تبادل في الخبرات و المعلومات سورتو في قضية تاخر الحمل و ليس " عقم" اختي امل جديد ،،،،،، ربي يرزقنا اجمعين،،،،انا لقيت متنفس تاعي في هذا التجمع نحكي واش يوجعني و يضرني وواش نحس و نهدر معاكم انتم كاخوات لم ارهن في حياتي الا من خلال هذه الشاشة و اطبع كلماتي ليكم و كلي يقين انكن راح تفهموني واش واني نحس حتى كي نقول برك ما انيش مليحة اليوم نلقى مئات الردود البنات سردو عليا و يعرفو احساسي من غير مانحكي ولا كلمة مجرد نقول مانيش مليحة برك،،،، و هنا نحكي حكايات مانقدرش نحكيها لاعز الناس ليا ،،،،،،،
بصح التجمع تغير دخلو فيه بنات اتخيلو هما حوامل و ماقالوناش كاين عضوة كانت معانا كان عندها ولد الله يبارك اتخيلو هي حامل وصلت للشهر الثامن و ماقالتش و غيرو و غيرو ،،،،، احنا في وضعنا نتحسسو بزاف علاش ماتقولش راهي حامل !؟!؟ بالعكس نفرحولها،،،،
و ايضا كاين اخوات يحكو عن الجن و السحر اوكي السحو كاين و الجن كاين بصح تلحق تحكي حكايات لا اساس لها من الصحة ،،،، يا اخواتي انا نجي نحي على خاطري في التجمع ماشي نزيد الخلعة لعمري و التوسويس،،،،،
اختي امل انا الصباح كي كتبتي بلي درتي جماعة لقراءة القرآن عجبتني الفكرة و قلت نشترك معاكم،،،،،،
و ايضا كاين حاجة في معظم الاخوات الجديدات العقلية تاع " تقول راني ترونسبارونت مانباش " علاش مارديتوش عليا، درك نخرج من التجمع وغيرو،،،، يا اخواتي احيانا مانشوفوش واش كتبتو من قبل و الا مانقدروش نقراو الارشيف لطوله و زيد انا وين نتفكركم كامل بالاسم تاعكم نرحب بيكم جميعا نقول كل البنات و انت وحدة منهم يعني ماشي شرط نذكر الاسم ،،،،، راكم تشوفو التجمع تكتبي و كاين اخت تكتب في نفس الوقت و ماتشوفيش الرد تاعها ،،، عادي ،،، ادا كتبتي و مالقيتيش رد ممكن تعاودي تكتبي و بكل روح رياضية و مع روح مرحة تخلي البنات ينتبهو ليك و يجاوبوك و يرحبو بيك احلى ترحيب،،،،،،، انا اكره ما علي تقولك " راني شفافة " ماجاوبتونيش و غيرو،،،،،
المعم رانا اخوات عند الله جنعنا هذا التجمع في الخير و اتمنى نبقاو هكذا الى نهار يتحل حزامنا و ربي يرزقنا و نقعدو نهدرو على اولادنا و تربيتهم و اذا كتب ربي نعرضو بعضانا لاعراس اولادنا باذن الله ،،،،بصح من غير كلام جارح،،، و اهمها الصبر و الصبر على بعضانا،،،،، يقولك المثل " اللي جاز على كلمة جاز على روح"
واش قولتو نرجعو نحلو صفحة جديدة و تتصافى القلوب و نرجع للمة المعتادة الضحك و اللعب و تبادل الخبرات و الادعية. و ربي يرزقنا اجمعين،،،،،