المشاركة الأصلية كتبت بواسطة أم نهى الجزائرية (المشاركة 3704040)

انا و الله كون راجلي يدريها ما نزيدش حتى نشوف فيه قلتهالو قبل ما نزوجو اصلا قتلو اذا تحب تزوج حطني في دارنا و الله لا تربحك لا انت ولا هي مستحيل نقبل اي كلبة بنت امراة كما انا تجي فوقي و الراجل الي يهون عليه يدير في حاجة كما هادي الله لا يرد بيه منين يطيح في فم السبع نقولو شه فيك و الله لا ينفس عليك

انا اصلا كنترافضة فكرة الزواج من الي شفتو صرا لماما مسكينة و الله الراجل كون تنحي من لحمك و تعطيه ما يقرفيه الخير و بكلمة وحدة تصبحي في داركم بضحكة كي شغل ما درتي حتى حاجة اييييييييييييييييييييييييييييييييييييييييييييييييي يييييه

تخيلو انا راجلي كان دايما يقولي يا اختي اذا ماعجبكش الحال تربحي لدار باباك بكل بساطة يصبحني بيها و يمسيني بيها على اتفه مشكل كون غير نجي نحكيلو واش صرا بيني و بين يماه يقولهالي و ليت نحس روحي قاعدة قرسونة وخلاص للشغل تاع الدار و لمتعته الشخصية اما كانسانة عندي قيمة ولا مكانة عندو ابدا ماكاش نحس روحي طول ماشي مستقرة تقولي عايشة ما فهمتش كيفاه

المهم كرهت من هاديك العيشة و زيد المشكل تاع الدراري منو ف واحد النهار وصلت بيناتنا كبيرة بزاف قتلو يا انا يا يماك نطلق مانيش قاعدة نروح لدارنا لا دار لا دراري لا قيمة علاواه قاعدة غير للتمرميد

هو تشوكا ماكاش يتخيل اني انا نطلبها يتخيلني نخاف من هاد الموضوع قتلو ماشي هربت من نكد و هم باه نجي عندك نكمل الي بقى من حياتي في الدمار و على جال واه المهم كبرت بزاف بالسيف ما رجعنا لبعضانا

لاكن الرجال و الله ما يليق معاهم التدلال و المرا تطيح من روحها بزاف واحد ما يستاهل في الدنيا هادي صدقيني