|
رد: التجمع الجديد للجزائريات المتأخرات في الحمل و أهلين بالتونسيات الغاليات
يا نور اليقين
راني نشوف العروسة اللي تكون مليحة بزاف مع شيخها و عجوزتها يقولوا هادي البصلة انتاعها ماتحرقش.. يرجعوا ما يحسبوهاش خلاص..مجربتها في روحي و اللي زادت اني قريب 10 سنين و ماكانش الدراري..رحمتك يا رب...خيرا تعمل شرا تلقى...لدرجة انوا شيخك يحرش وليدوا على الزواج قدامك دون مراعاة لشعورك..زعم لوكان بنتوا يقبل راجلها يتزوج و هي تربيلوا اولادوا...يا ناس كيفاش المرا تربي ولاد ضرتها هاذي صراحة نقبل نطلق ومانعيشش معاهم ونموت فالنهار الف مرة...ماهيش غيرة او حسد ولكن كيفاش الراجل شاف ضنايتوا والمراة اداها الواد.. حبيبتي ارمي حمولك على الله هو اللي راه يسير فيها..الله يرزقنا بالحمل في القريب العاجل راني نكتب ونبكي حتى انا قلبي راه معمر.. آمين ليا وليك ولكل محرومة ونعم بالله اختي صبورة والله قلبي طاب ودوك مقولك الصح يديرو فيها بالعاني والله الواحد يخاف من الدعاوي وهارب للنشاف نخاف من الدعاوي ونخاف كراه كبير والحق الموت على الكبير وعلى الصغير مي نخاف الريكلامي يموت في سعدي ويبقى الضمير يأنب فيا طول حياتي قلت العجوز ماتت راضية عليا والشيخ راني نسايس فيه باه يكون راضي عليا اما الباقي مرات نسكت ولكان نهار نكون ماشي في طبسيا راني هاتي ومانخرج هو واش جاء على راس الساني |
رد: التجمع الجديد للجزائريات المتأخرات في الحمل و أهلين بالتونسيات الغاليات
نور اليقين ربي يعطيك الصبر
أنا حالتي يقولوله علاش راك تروه لطبيب و لبارح مين قاله طبيب دير العملية قلنا خذ قرار و عيطولي قاتله أخته لالا شرب غير قطف و قاتله لكان ربي ميكتبش ولاد ديرها و لا مديروهاش غير كيفكيف. |
رد: التجمع الجديد للجزائريات المتأخرات في الحمل و أهلين بالتونسيات الغاليات
صح نور عندك الحق مي كون انا كون قتلتو من اول جملة تخرج من فمي
|
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
راهي عندك طولة بال كبيرة الله يبارك..الله يعوض صبرك خير. اقتباس:
شوفي يا اختي هاد الامور ماذا بك تبقى بينك و بين راجلك هادي حياتكم الشخصية ماراكمش مضطرين باش تخبروا اختوا..على خاطر يكثروا التدبار و زيد يضبحوا عليه قبل مايدير العملية ماتصحي كامل كيفاش يصرا حالوا.. من الاحسن تاخذوا القرار انت و ياه فقط و يعملها فالستر و ربي يجيب الخير ويقضي الصلاح ان شاء الله.. |
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
امين يا رب مع انك راكي خدامة و ماقدرتيش تلهي روحك على التفكير في الحمل و الله الحالة صعيبة ربي يصبرنا... |
رد: التجمع الجديد للجزائريات المتأخرات في الحمل و أهلين بالتونسيات الغاليات
سلام لبنات وشراكم لاباس
انا البارح يخي زعما رحت للطبيبة و حكمت رونديفو و من بعد ما جاتش كي جات حكمت غير البعاد كانت مشغولة في لاكلينيك يمالا وليت اليوم على سعدي و خرجت نبكي قاتلي بلي ولدك سمين واع واع واع والله ملقيت واش ندير قاتلي بلي لازم تحبسي ليبات و السكريات و تتعشاي بكري والله اليوم مدخل فمي والو الا باط ياؤورت و قاتلي بلي لازم ان شاء الله في هاذو ال20يوم تولدي ان شاء الله سينو ارجعي نشوفو وضع جنينك ادعيولي بولادة سهلة يا رب وفي هذو اليومين يا رب اقتباس:
اقتباس:
انا و الله معلابالي قالولي برك قلت نسقسيكم الا كشما عندكم خبر اقتباس:
حتى انا قلت دوكا نحط الرد نتاعي طيح عليا مريم و تشبع ضحك بردي قلبك ايه نعرفهم الي قلتيلي عليهم مام انا كنت مخما فيهم بصح كي قالولي على لي كوش قلت نسقسيكم اقتباس:
انا كي قتلو شبع ضحك عليا و قالي روحي اشريهم وحدك ههههههههههههههه اقتباس:
يا ربي و انشوفكم كامل حوامل و تدخلو تسقسيو على كاش حاجة و نشبع عليكم ضحك يا رب انشوف فيكم هذا النهار امين اقتباس:
اقتباس:
انا كانو تان يهبطولي طراف لحم من قبل و كي سقسيت الطبيبة قاتلي بالاك بويضة تلقحت و فسدت عليها الي طاحت و مام قاتلي خطرة اخرى مطيشيهمش عيريهم و نور انتي ماشي اول مرة اطيحو عليك كون راكي درتيها في كومبراس و عيرتيها اقتباس:
بالشويا برك هذي هي التربية سوفرونس عندك لنولي ندير كيفك و نقول نلصقو في الحيط يا يما على مهودتي |
رد: التجمع الجديد للجزائريات المتأخرات في الحمل و أهلين بالتونسيات الغاليات
تعدّ حبة البركة من الحلول الطبيعية لعلاج مشكلة تأخّر الحمل وضعف التبويض وتكيس المبايض لدى النساء. فإذا كنت قد لجأت إلى إستخدام الكثير من الأدوية والعلاجات الطبيّة لكن دون جدوى! نقدّم لك اليوم خلطات مضمونة وفعالة من الحبة السوداء التي تمكنّك من الحمل والإنجاب كغيرك من النساء.
الحبة السوداء أو حبة البركة هي من الأعشاب المفيدة لعلاج الكثير من الأمراض. لها قيمة غذائية كبيرة إذ تحتوي على الكثير من المواد الغذائية والفيتامينات المهمّة. إضافةً إلى ذلك فهي تساعد على الحمل وتعمل على تنشيط المبايض. إتبعي هذه النصائح التي نقدّمها لك قبل البدء بتناول حبة البركة: - إمتنعي نهائياً وخلال فترة حملك عن استخدام الحبة السوداء، إذ إنها تحتوي على بعض المكوّنات في زيتها التي من شأنها أن تعرضك للإجهاض. - أحرصي على تناول حبة البركة أو الحبة السوداء خلال فترة الرضاعة، فهي تساعد على على إدرار اللبن، كذلك تعدّ مصدرًا غذائيًّا مهمًّا لك ولطفلك على السواء. - لا تستخدمي الحبة السوداء للأطفال الرضّع، بل إنتظري قليلاً لكي يكبر طفلك. إذ إنّها تحتوي على حمض الأرجينين الضروري لنمو الطفل من عمر السنة وليس الأطفال الرضّع. - من المفضّل عدم تناول حبة البركة وخلطاتها مع الأدوية الكميائية. - لا تقومي بطحن الحبة السوداء إلا عند الاستعمال، لأنها إذا هرست قبل إستعمالها بفترة، ستتطاير منها المادّة الفعّالة لأنها عبارة عن زيت طيار. أما الآن إليك الخلطات المكونة من الحبة السوداء، والتي يتم تناولها في آخر الدورة الشهرية وحتّى الحمل: - ضعي ملعقة من الحبة السوداء في صحن من اللبن أو الزبادي، وأضيفي إليهم القليل من زيت الزيتون. ويمكنك تناوله في الصباح كوجبة فطور، وعلى العشاء. - إطحني كميّة من الحبة السوداء (حسب الحاجة)، وامزجيها مع العسل جيداً. إحتفظي بالخلطة في زجاجة محكمة الإغلاق وقاتمة اللون لكي تحتفظ بفائدتها. تناولي منها ملعقة كبيرة ثلاث مرّات يومياً. - أخلطي مسحوق حبة البركة المرّة مع مسحوق حب الرشاد وأخلطيهم جيّداً. تناولي ملعقة صغيرة على الريق وقبل النوم من ثاني يوم من الدورة وحتّى آخر يوم منها لمدّة ثلاثة أشهر . منقول |
رد: التجمع الجديد للجزائريات المتأخرات في الحمل و أهلين بالتونسيات الغاليات
امة الرحمان حبيبتي وشبيك اقطعتينا ضربة وحدة ..نعرفوك حنينة كيفاش قدرتي على بعدنا ارجعي رانا نحبوك.
ام انس حنونتي وين راكي عندك مدة طويلة ما بنتيش يا رب تكون عندك النت و تدخلي طمنينا عليك.. وصال الفردوس المازوزية انتاعنا وين راكي راني كل يوم ندخل نحوس عليك ماكان والوا يادرى درت العملية ولا مازال ربي يسمعنا عليك اخبار طيبة... اميييرة الحنينة وين راكي و الله غير نفكر فيك ونقول يا درى كيفاش راهي مع ندوش ...الله يسمعنا عليك اخبار الخير.. |
رد: التجمع الجديد للجزائريات المتأخرات في الحمل و أهلين بالتونسيات الغاليات
سلاااااااااااااااااااااام
|
رد: التجمع الجديد للجزائريات المتأخرات في الحمل و أهلين بالتونسيات الغاليات
السلام عليكم يا نوارات بلادي
صبورة الله يحفظك ان شاء الله راكي ناشطة مريومة و الله ضحكتيني انتي منيرفيا بزاف بصح نقولك انتي و نور الهدى ماشيي القازوز هي اللي دير ليقاز قاع لي بيبي يجو فيهم انا اصلا ما نشربهاش و بنتي مسكينة و الله كنت نبكي معاها شوفي هاد الطريقة كنت نديرهالها و الله تريحها شوفي جيبي زيت من الفارماسي يقوله ويل دو ماساج بوغ بيبي ههههههههههههه راني نكتب معربة و اذا معندكش معليش ديري شوي زيت الماكلة مين يكون جيعان ديريله ماساج في كرشه بطريقة دائرية و شوي كيلي تزيري بصح ماشي بزاف و في نفس الوقت طلعيله شوي رجليه و الله يبدا يخرج و اعطيه تيزانا بزاف و غير ساعفيه ان شاء الله مدة و تفوت نور اليقين ان شاء الله ربي يجازيك انتي راكي تدي في دعوة الخير و كيما قلتي شيخك راه مريض و العمر راه بيد مولانا المهم انتي راكي ديريها زينة و ان شاء الله اللي يديرها زينة عمره ما يحصل ربي هو اللي يجازيك العبد عمره ما يستعرف الحمد لله اللي ربي هو اللي يجازي ماشي العبد بسومة كيما قتلك صلي استخارة على العملية صدقيني ربي يوضحلك شوفي انا كنت نتبع عند طبيب هنا بغا يبدا يعطيني منشطات قالي راح نعطيك ابرة ممكن تجيبي التوام بصح بالنسبة ليك خطر انتي راكي دايرة السيزاريان و عند لاطونسيون تجيك كي ديري الكرش و الله خفت نغامر صليت استخارة باش هاد الشهر نبدا الدوا كنت نستنى الدورة تجي و نروح شوفي لقيت ربي كتبلي من عنده الحمد لله اللي يسقسي يسقسي ربي ماش العبد على خاطر هو اللي يعرف الغيب و الله يجيب الشفا نور الهدى كيما قالولك لبنات لازم تشوفي الطبيبه على الدورة اللي حكيتي عليها سي بيزار هاد الشي اللي سرالك و الله يرزقك ان شاء الله بصح نقولك حاجة انتي تتعبي بزاف حاولي تريحي في المدة اللي من بعد التبويض ريحانة ما يخوفوكش الطبة انا اختي عمرها ما تولد ولادها اقل من 4 كيلو و الله نورمال و بلا عملية قتلك قاع ديك النهار كي يطلع شهرك كل يوم كولي التمر قالك يساعد الكول على التمدد بلاما يتقطع ياك راه مدكور في القران ديريه و ردي علي الخبر الله يعطيك وقفة ساهلة ان شاء الله سهام كاش صولد ههههههههههه خولة واش راهم الفليليسات |
| الساعة الآن 12:34 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .