المشاركة الأصلية كتبت بواسطة bassouma (المشاركة 3596085)

المشاركة الأصلية كتبت بواسطة nourelhouda (المشاركة 3594143)

السلام عليكم الزينات الغاليات واش راكم لاباس!؟!؟
راني شفت معزتي عندكم بزاف بانت يعطيكم الصحة غاضتني عمري ولا وحدة سقسات عليا من غير صبورة ربي يعطيك الف صحة كي تفكرتيني،،،،،،بصح ماعليش مانقدرش نزعف من اخواتي
انا راني مريضة بزاف لاغريب قتلتني خلاص جا اجلي راح نموت السعلة تقول سردوك يعوعش الحمة و لافيبلاس ،،،،،، و زيد جداتي طاحت في الزنقة مسكينة يدها تكسرت و وجهها رجع كامل زرق بصح ماحبتش تروح للسبيطار راح تهبلنا راهي تعيط من يدها و هكذاك راسها يابس،،،،، ربي يحفظها،،،،
اخر اخباري راني كرهت من حياتي خلاص اتخيلو دارتلي روطار خمسة ايام و كان عندي اعراض حمل و خلاص فرحت و راني نويت غدوة ندير التاست و سورتو زدت تاكدت كي شفت لاغريب حكمتني و الم اسفل ظهري و الم الحلمات فرحت و زيد جداتي و ماما هبلوني بالاكي على روحك ماتديريش اميناج ريحي روحك كانو متفاءلين بلي راني حامل حتى انا و راجلي من بعد مرواحنا لتركيا،،،،، و درك اللي ماتتسماش مفسدة اللذات جاتني قطرات دم و الستر قتلني راني بالقنطة جيت نصلي المغرب جاني الستر دوت يدي لقيت قطرة دم قريب تغاشيت،،،،، علاش راه يصرالي هكذا عيييييتتتتتت مورالي راه يحفر درت روحي بالحمل خلاص و بديت نحسب وقتاش نولد و كيفاش نديرلهم سوربريز استغفر الله استغفر الله راني حابة نبكي بصح ماقدرتش قدام راجلي ماحبيتش،،،،،،،،
اسمحولي البنات راني مقنوطة ماعنديش ليمن نشتكي،،،،، المهم خلينا مني
الما عظم الله اجركم ربي يجعلو اخر الاحزان ويعطيكم الصبر و يرحم جداتك و يسكنها فسيح جناته امين،،،،
مبروك عليكم بسومة و الله فرحتلك ربي يتمملك على خير ارقي روحك و استودعي نفسك و جنينك،،،، و بسومة ربي يحفظها،،،،
ام بلقاسم ماكنتش علابالي راكي حامل الف الف مبروك حنونة ربي يطلعك على خير ،،،،،،بوسيلي بلقاسم،،،
صبورة واش راكي لاباس!؟!؟! اختك راهي مليحة!؟!؟ انت نعم الاخت و الصديقة ربي يحفظك و يعطيك كل ما تتمناي،،،،
مريومة واش راكي لاباس!؟!؟ انوسي واش واه!؟!؟! بوسيهولي بزاف،،،، ربي يحفظو
خولة واش راكي لاباس!؟!؟ واش راهم الاميرات الزينات !؟!؟ ربي يحفظهم
ريحانة واش راكي لاباس!؟!؟!؟ ربي يعطيك وقفة سهلة،،،،،
سهام واش راكي لاباس!؟!؟!؟
امومة واش راكي لاباس!؟!؟! ربي يرزقك الحمل السليم المعافى يارب،،،،، بشرينا
لاميا واش واكي لاباس!؟!؟ نور اليقين واش راكي لاباس!؟!؟! ارمي الماء على هدرة العباد خلي ربي في قلبك راني حاسة بيك،،،،، ربي يهديهم و يرزقك التوأم السليم المعافى،،،،
باربي واش راكي لاباس!؟!؟ على حسابها المربوحة لعبتهالنا اليوم ههههههه يسود سعدها،،،، بالشفاء عليك على ضرستك،،،،
امة الرحمن واش راكي لاباس!،!؟!؟ ان شاء الله راكي بخير طلي علينا و طمنينا عليك،،،،،
بسومة واش راكي لاباس!؟!؟ ام عبدالرؤوف !؟!؟ و كامل البنات الجداد مرحبا بيكم معانا يا رب يجعل عتبة المنتدى عتبة خير عليكم و يرزقكم الحمل السليم المعافى بلا زيادة او نقصان امين يا رب العالمين،،،،
منيرة حبيبتي وين راكي توحشتك راني شفت الارشيف راكي غايبة ان شاء الله خير،،،،،،
عبير لاباس!؟!؟! بليدية لاباس!؟!؟!؟! اسماء ليال واش راكي لاباس!؟!؟!؟!؟جومانة واش راكي لاباس!؟!؟!نوال لاباس!؟!؟! اترج لاباس!؟!؟!؟ سماسم لاباس!،!؟ وصال لاباس؟؟!؟!؟!
البنات الزينات راكم كامل في قلبي و بالي اخواتي العزيزات ماتزعفوش مني اللي ماذكرتهمش كامل انحبكم مواح،،،،،، اتهلاو في روحكم،،،،
امورتي توحشناك وين راكي امنا الغالية طلي علينا طولتي الغيبة،،،،،،،

المشاركة الأصلية كتبت بواسطة amal jadid (المشاركة 3596099)

خلطا مليحا بزاف مجربتهاش

الشهر الجاي نجربها ان شاء الله hwaml10