منتديات حوامل النسائية - تجمع الجزائريات الغاليات المتأخرات في الحمل ‏

منتديات حوامل النسائية (https://naqatube.com/index.php)

- منتدى علاج العقم و تأخر الحمل (https://naqatube.com/forumdisplay.php?f=18)

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

مساء الخير لبنات و الله ماراني مصدقة واش قريت لحد الان حاسة روحي نحلم تقولي انا الي راني حامل

وين راكي يا هدى حبيبتي ولا جاو ضيافك حابة نشوف راجلك و عجوزتك كيفاه تلقاو الخبر و كيفاه كانت ردت فعلهم اكيد طارو بالفرحة

هههههههههههه نتخيل عجوزتك غشات كي سمعت ههههههههه بعيد الشر عليها

قوليلي وقتاش درتي التاست يعني اي ساعة خاطر راني حابة نعاود التاست و ما حبش راجلي يشرلي واحد جديد قلت غدوة و نبعت بنت جارتي تشريهولي يعني ماشي صباح بكري؟؟؟؟؟؟؟؟

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

ههههههههههههههههه لبنات علابالكم صح الفرحة تاع هدى نساتنا نسقسيو على بعضانا مي ماعليشفي خاطرهدى كل شي يهون

اهلين صبورة واش حوالك يسمى غير لخبر تاع هدى الي جابك هههههههههههه

انت و جميع لبنات الي ماكانوش يبانو دخلتو اليوم في خاطر هدى ماعليييييييييييييييييييييييييييييييييييييييييييييي يه صحيتو فينا احنا ماراناش معمرينلكم عينيكم ياك هههههههههههههههه

لبنات تعيشو قولولي كيفاه تبلوكيو هاديك الصفحة تاع الهم و الله غير كرهتني في التجمع

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

ام نهى واش اخبارك تاني انت انشاء الله غدوا تبشرينا

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

اقتباس:

المشاركة الأصلية كتبت بواسطة 20 سنة انتظار (المشاركة 3697001)

تعالو اخواتي ابشركم بنتيجة التاست
.
,
,
,
,
,
,
,
,
, الحمد لله الحمد لله الحمد لله حمدا كثيرااا
.
.
.
.
.
.
.
نعم اخواتي بعد انتظار دام 20 سنة
.
.
.
.
.
.
.
.
نعم اخواتي العزيزات ابشركن انا حامل و بفضل الله سبحانه و تعالى
.
.
.
.
.
كيما قلتلكم جامي درت تاست و اليوم درتو على الصح و الحمد لله شفت الخطين من اول لحظتين بصح و الله ما صدقت واش راني نشوف هبطت نجري للفارماصيان جبت زوج اوخرين و عاودتهم و النتيجة نفسها خطييييين و الحمد لله الحمد لله الحمد لله و لا حول و لا قوة الا بالله وحده سبحانه العلي العظيم
20 سنة و انا نحوس و نجري و ما خليت علاج ما درتو حتى التلقيح الصناعي منجحش و كي نسيت الفكرة تاع الحمل و صدقوني ني انا ني راجلي حوالي 3 شهور و نص ماكليناش حبة دوااااا ..نداوم غير على الاستغفار و ندعي لربي يرزقني و يرزق اخواتي و راكم تشوفو الحمد لله ,,,, بصح صدقوني صح فرحت بزاااف و بكيت ساجدة لله تعالى بصح فرحتي الكبيرة كي كامل تلحقوني و نسمع بيكم حوامل امين يا رب يا كريم
البنات نتمنالكم كامل تعيشو اللحظة صدقووووني و الله مزيج مشاعر ما تفهميش روحك الدار كي شغل جنااااازة صايرة دخل راجلي لقاني نبكي نبكي و نعانق فيه و مسكين ما فاهم والوووو يشوف مرة لهادوك لي تاست مرة ليا و انا غير حاكمة فيه و نبكي
البنات ما صدقتش بلي كرشي رافدة روح و الله ما صدقت,,,,,
ادعولي ربي يتمم حملي ,,,, نقول حملي و الدمووع في عينيا صدقووني غير البارح و انا نقول ادعيولي بالحمل السليم المعافى
ربي ما فيه غير الخير الحمد لله يا حنان يا منان

اقتباس:

المشاركة الأصلية كتبت بواسطة Rosita (المشاركة 3697152)

سلام لبنات هذا شحال و أنا متبعتكم و زهر طحت في هذا المنتدى و سجلت غير علاجالكم بصاح مقدرتش نشارك، في بالي دايمن نتوما تتعارفو ديجا لهذا جاتني ثقيلة خاصة أني مازلت ماتزوجت (مبقاليش يعني) لكن متقدروش تتصورو شحال ندعيلكم كيما راكم مرات رايحا نرقد و ندعي و نرقد هكذاك بالدعاء في لساني خاصة ل انتظار لّولة و نزيد نكمل البقية على حساب سنين الزواج و كي قريت الخبر هذا قررت تكون اول مشاركة ليا هي باش نبوركلك و الله فرحتلك من قلبي دموعي محبسوش دنيا دارت بيا تقولي انا لي صراتلي الف الف مبرووووووووووووووووووووووووووووووووووووووك ان شاء الله ربي افرحك نتي و زوجك بشوفة ال بيبيات ماشي واحد برك ان شاء الله ربي ايتمملك يا ربي و اسمع مني و لعقوبة ان شاء الله لجميع لبنات يآآآآآآآآآآآآآ ربي آمين

مرحبا بيك و بكامل لبنات لالا منتعارفوش من قبل و كل وحدا من ولاية
و انا في هاذا المنتدى نعرف 10 بنات و مازلت معاهم بتصال و كايل الي في حياتي لشتهم

اقتباس:

المشاركة الأصلية كتبت بواسطة bassouma (المشاركة 3696844)

بسومة قلك كل يوم في صباح على ريق 7 حبات سانوج (حبة سوداء) تعادل سكر يلا ميدرش جنين منيش عارفة

الحبة السودة متنشربش مع الحمل لانها منشط رحمي قوي ردي بالك انا ننصحك بالتفاح و ربي يشافيك

ام نهى واش راكي تسناي هههههههههههههههههه فرحينا و لا حبيتي تولي 20 سنة انتضار للتاست هاذا هههههههههه قوليلو جيبلي التاست و لا متتعشاش

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

السلام عليكم

ان شاء الله لعقوبة ليك ام نهى و البنات كااااااااااامل

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

اقتباس:

المشاركة الأصلية كتبت بواسطة amal jadid (المشاركة 3697560)

http://forum.hwaml.com/imgcache2/hwa...211017_185.jpg
الكتيبة تلفتلي واش نكتب
الحمد لله يارب ربي رحيم بعيبادو 20 سنة و الله ربي يكتبهملك في ميزان الحسنات الصبر و الرضى بقضاء الله
الحمد لله ياربي يسهلك 9 شهور و يفوتو عليك ساهلين و تزيدي و تفرحي بيه و ان شاء الله يكون من الصالحين و يجيب خواتو معاه
و الله يالبنات اليوم رحت شديت رونديفو على تحليل مابعد الجماع و شفت الكارني معمر تاع الطبيبا قريب طاحتلي الدمعا قلت كاين خياتي مزالو يطلبو في الحمل بصح رحمت ربي كبيرا ووسعا
شوف دخلت قريت هادا الخبر الحمد لله ياربي
لعقوبة لينا كاملللللللل

مرحبا بيك و بكامل لبنات لالا منتعارفوش من قبل و كل وحدا من ولاية
و انا في هاذا المنتدى نعرف 10 بنات و مازلت معاهم بتصال و كايل الي في حياتي لشتهم

الحبة السودة متنشربش مع الحمل لانها منشط رحمي قوي ردي بالك انا ننصحك بالتفاح و ربي يشافيك

ام نهى واش راكي تسناي هههههههههههههههههه فرحينا و لا حبيتي تولي 20 سنة انتضار للتاست هاذا هههههههههه قوليلو جيبلي التاست و لا متتعشاش

امال واش اخبارك

اقتباس:

المشاركة الأصلية كتبت بواسطة عبير الحرية (المشاركة 3697563)

السلام عليكم

ان شاء الله لعقوبة ليك ام نهى و البنات كااااااااااامل

اميييييييييييييييييييييييييييييييييييييييين ربي يثبتلك حملك ويحفظلك بنوتة

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

[QUOTE=AMAL JADID;3697581]السلام عليكم

واش راكي اختي bara ياك لباس
راني فرحانة الحمد لله

http://forum.hwaml.com/imgcache2/hwa...212141_261.jpg

http://forum.hwaml.com/imgcache2/hwa...212140_851.jpg
هذه مغلطوش فيها ومباعد يقولك انت نكدية

http://forum.hwaml.com/imgcache2/hwa...212140_347.jpg

هذه مليحة يقعد ياسر

http://forum.hwaml.com/imgcache2/hwa...212141_829.jpg

محلاه كون نيمتو على صدري

حمد لله لاباس
ربي يدوم فرحتك

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

اهلا البنات لاباس،،،،
ام نهى قولي لراجلك يجيبلك تاست و الا اليوم ماتفراش معاه. ههههههههه رانا نستناو بشارة الخير،،،،،
اهلا امال لاباس !!! دايما تضحكينا و تدخلي البسمة في وجوهنا ربي يفرحك،،،
اهلا صبورتي لاباس!!! ايه وين راهم ،،،، ربي يفرحنا اجمعين امين،،،
اهلا بكل البنات الجدد ربي يفرحنا اجمعين،،،
اهلا روزيتا لاباس انا تانيت من البويرة،،،، انا في الحقيقة من العاصمة و تزوجت في البويرة عندي اربعة سنوات و ثلاث اشهر ،،،، منين في البويرة!؟!؟

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

السلام عليكم يا بنات

رجعت بعد الخبر الزين تع الصباح لعقوبة للـأخوات اللى يستناو الحمل

قولونا شكون ليبقات باش ندعولها معانا

وتانى حبيت نقول ماشي اللى تحبل تروح وماترجع تنسانا

حتى وتنفس تولى هذا المنتدى فال خير على المرأة