المشاركة الأصلية كتبت بواسطة bara (المشاركة 3692070)

الله يعوض عليك وان شاء الله هذا اخر مرة تشوفيها حتى لنفاسك
انا اليوم لاباس الحمدلله
لكن ثلاث ليالي لفاتو كانت نفسيتي تعبانة وخاصة عند النوم نحس بضيقة الروح ومشكلة كي زوجي رقى لي حسيت بضيق اكثر وجاني تنمال في اطراف اصابع ايديا ورجليا

المشاركة الأصلية كتبت بواسطة 20 سنة انتظار (المشاركة 3692117)

اييي يا اختي 20 سنة و انا انتظر ,,,,,,,,,,,,,,,,,,,,,,,
امين يا رب ربي يفرحنا كاملين

و عليكم السلام
اهلا بنات كامل بسومة امل جديد غفران و كامل كامل لاباس ؟

المشاركة الأصلية كتبت بواسطة نور اليقين (المشاركة 3686662)

امال ربي يحفظك ان شاء الله ويرزقك بالذرية الصالحة الاربعاء شوي بعيد وعلابالي لمربح مايديني ومايخلي من يديني مايروح هو صار الحجامة راهي قدام حشاكم................ والله ماتحرك ومادارها ربي يهديه ويرزقنا الذرية الصالحة يارب

امة لعميرة واش راكي راكي مليحة

وبرى ربي يكون في عونك والله كيدخل الوسواس هكدا غير مرض تولي توسوسي وحدك وديمة تولي تعسي راجلك انا غير يغلطو فالنيميرو انتاع راجلي نتهاوش معاه نقولو كنكون مساميتك وماتعرفش النيميرة قل الو وكتالقاها مراة فوتهالي وانا اللي نقولها راكي غالطة باه ماتالسقش فيك لخاطر البانيت ماهداهمش ربي سعرو وعبرو وهات يالقاو راجل برك ومايهمهم لا متزوج ولا عند الاولاد وحشى اللي مايستاهلوش كاين بنات الفامليا ماشي كيفكيف
مريمتي ياك قلتلك جيبيبلي تصاور انتاع ياااااااااااااااانيس وهو نايض وهو يضحك وهو يفرح ماشي غير وهو راقد تبانلي تخافي منو بزاف على بيها تصوريه غير وهو راقد
امل جديد واش راكي مريومتي لعميرة انتاعي راكي لباس هذاك الحاج انتاعك والمربح انتاع يليق اللي يكتفهم وينزل عليهم بالعصا يبردلي قلبي فيه بلاك يرجعو للطريق

المشاركة الأصلية كتبت بواسطة غفران شكران (المشاركة 3692139)

يا مرحباً بأخواتي الكريمات يسعد مساكم بكل خير وإنشاء الله نسمع عليكم الأخبار السعيدة يارب عن قريب اما انسونام ستكون النتيجة مطمئنة انشاء الله لآني عانيت من هذا الهرمون وتجاوز معي 100 ولكن بفضل الله كانت الغدة النخامية بخير لذا ريحي أعصابك انشالله خير أختكم غفران

المشاركة الأصلية كتبت بواسطة أم نهى الجزائرية (المشاركة 3692210)

اهلين بارا واش حوالك يا الزينة انا راني الحمد لله لاباس

اليوم رقيت الراقي صاحب راجلي رحنا عندهم للدار و رقالي لكن ما بان لي والو قال الجن المتلبس بلي راه امن بالله و طلب منو يخرج لاكن ما خرجش عييت بزاف و انا نرقي طولي بزاف في الرقية لاكن ما خرجش

المشاركة الأصلية كتبت بواسطة bassouma (المشاركة 3689297)

بارا راني مقهورة و بكيت بزاف على صحبتي صحبات أخر زمن راهي في 20 يوم كانت دايرتلها روطار و أنا على نيتي نقولها ديري تاست تقولي لالا منحبهش قتلها روحي لطبيبة قاتلي موالفا ديرلي روطار و منبعد قاتلي جاتني و لبارح قاتلي طبيب تاعي قالي ريحي من كامل دواء وحد 6 أشهر و رجعي و ليوم عيطتلي صديقة وحد خرى قاتلي راهي بالحمل و ماراهيش حبا تقولك غضتني عمري أنا منحسد حتى وحدة كل واحد و قسمته

المشاركة الأصلية كتبت بواسطة أم نهى الجزائرية (المشاركة 3692210)

اهلين بارا واش حوالك يا الزينة انا راني الحمد لله لاباس

اليوم رقيت الراقي صاحب راجلي رحنا عندهم للدار و رقالي لكن ما بان لي والو قال الجن المتلبس بلي راه امن بالله و طلب منو يخرج لاكن ما خرجش عييت بزاف و انا نرقي طولي بزاف في الرقية لاكن ما خرجش