منتديات حوامل النسائية - تجمع الجزائريات الغاليات المتأخرات في الحمل ‏

منتديات حوامل النسائية (https://naqatube.com/index.php)

- منتدى علاج العقم و تأخر الحمل (https://naqatube.com/forumdisplay.php?f=18)

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

اقتباس:

المشاركة الأصلية كتبت بواسطة حياتي قمراتي (المشاركة 3687892)

السلام و عليكم جميعاا واشكم حبيباتي ؟؟؟
نور الهدى وحشتيني عمري انشاء الله والكم كامل لاباس ؟ حسونة غير يكبر و يتفشش يا عمري ربي يحفظهولكم و الف مبروك لمرت سلفك راني نشوف فالتوقيع و عقبال ما تديري احلى توقيع ليك و نفرحو بيك
امة الرحمان عزيزيتي يسقسي عليك الخير حنونة جامي لا نسيتي وحدة فينا ربي يعطيك على قد قلبك و يفرحك فرحة كبيرة انشاء الله و تجيبي بوبونة كيما لي تديري تصاورها
صبورة ياك راكي مليحة اختي توحشناك وينك غايبة ؟؟ ربي يفرح قلبك انشاء الله
نور اليقين انشاء الله تبشرينا بخبر حملك ,, امين يا رب و تجيبي احلى توام انشاء الله كيما قالت جيجي بصح سميهم خولة و أيمن ههههههه
ريحانة و مهدي الزين العمر راكم لاباس ربييحفظهولك ادخلي خبريني كيفاه عاملة فيها و الاجواااء تاع الامومة
اموموة و الا هدى اختي فرحت من قلبي كي تطمنتي على البيبي ديالك ربي يتمملك و تشوفيه بعد 9 اشهر سليما معافا متخافي ما تقلقي روحك بربي ماكان غير الخير
مريم و يانيسو ربي يخليهلكم و ربي يعاونك انشاء الله
عبووووورة توحشت قراف انتي و ليلوكتي حبوبتي انشاء الله تكوني بخير و البيبي تانيك راكي قريب تسلكي انشاء الله و خساة يمكن منسمعش بيك المهم ربي يعطيك وقفة ساهلة حنونة و تفرحي بشوفة البراء
سهام انتي ثاني قلو دخلاتك غير الخير اختي ؟ نتمنى تكوني بخير و هناء و ربي معاك
منيرة و العروسات دياولك ياك كلكم بخير ,, ربي ينجحهم و يعلي مراتبهم انشاء الله و عقبال ما تجيبيلهم اخ
اسماء خيتي واشك حنونة ياك لاباس و احوال العاصمة مليحة ؟
سارة و الا ام عبد الرؤوف انشاء الله ,, ربي يفرحك بالرويجل عبد الرؤوف امين عاجلا غير اجل بصحتكم العطلة متتوحشيش التلاميذ تاوعك ؟ خخخ
نور الهدى الجيجلية تانيك غايبة ويني ؟ انشاء الله تجيبي بالخبر المفرح معاك
امونتي يا امونتي توحشتك بالبزاااف غابرة خلاصص المرة هاذي ويراكي و واشراكي ؟
لمياء حنونة واشك عمري انشاء الله كل الاخبار مليحة ؟
بارا ربي يسهلك امورك المهم كي درتي اشعة الصبغة و ظهرت لاباس انشاء الله فال خير اختي
ام نهى يا درى مزالك مع المسلم هههه ربي يشافيك و يبعد عنك كل شر
بسومة 26 و العميرة دياولك بسمة ياك راكم لاباس ؟ و البيبي انشاء الله بخير ربي يقدرك على الوحم و يطمن قلبك على بسمة
بسومة بلا ارقام حنونة راكي لاباس ربي معاك الضياف خلاص ميخطوكش لاباس ؟
ميمي و رودينا لاباس ؟ انتم غبتو خلاص علينا واينكم واش راهي مهبلاتك و لا عاقلة ؟ ربي يحميها
مريم بسملة حنونة طمنينا و اخبارك مع التلقيح ؟ انشاء الله ينجحلك و تجيبي احلى بيبي
ايه اترج لي انقطعو اخبارها خلاص خلاص يا حنونة ادخلي و طمنينا توحشناك ....
تورية شهيتينا بداك الكسكس اممممم ربي يعطيك ما تتمني و يحفظلك منصفووو
وصااال وصووولة يا حسرة من وينتا ما دخلتش علابالك توحشتك بزاف بزاف
ام بلقاسم سور ولدتي حنونة ربي يحفظلك ما عندك
ام انس طليتي و رحتي على مرة ارواحي رانا متوحشينك موووت
البنات كاااامل نحبكم و نعزكم بزاااف و ربي يفرحكم جميعا و لي ماكتبتهاش تسمحلي الله يارك رانا في بزاف ربي يحفظنا

آآآآآآآآآآآآآمييييييين خولة الله يسمع منك يارب على سلامتك توحشتك وتوحححححشت التقرعيج انتاعك نستمتع بالاسالة انتاعك والاجوبة انتاع البناات هههههههههههههه واش راهم لعميرات انا مانقولكش بوسيهملي مايبردش قلبي عضيهملي باه يبرد قلبي ربي يحفظهملك يارب
لبنات مريووووووووووووومتي ربي يخليك ياك علابالك الكيس اللي دارلي من قبل حكيتلك عليه بعيد الشر راني خايفة لايكون هو رجعلي لذلك راهي ماهبطتش واليوم الثاني من التاخير وفي حياتي مادارتليش روطار وزادت خوفتني اختي قالتل ماتستهزايش راهي سلفتي لقاولها حمل خارج اللرحم بعيد الشر ربي يسترني ويستركم ويرزقني ويرزقكم بالذرية الصالحة

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

اقتباس:

المشاركة الأصلية كتبت بواسطة أمة الرحمان السلفية (المشاركة 3687722)

اخوتي في الله حبيت انقللكم خليكم من الاعراض الى قبل الدورة ماديرولهاش حساب وتقعدو تتحسو وتمرضو في روحكم وغير دريلكم روطار يوم ويومين تقعدو تحلمو وتخمو خلوها على ربي انا في اجهاض اخير كانت عندي اعراض قوية بعد اسبوع روطار كنت كي نوض صباح اندوخ وراسي يولي يوجع ونتقيا ولعاب طول الوقت يسيل ومرة كنت ريحا للعاصمة وانا منتقبة حرة كيفاش ندير ثم الى فقلي زوجي من قبل كي نكون نتقيا ودوخة كي يسقسيني نقولو القلون هو الي رهو يديرلي هكذا وماحبيتش انطمعو وهذاك اليوم حشكم كنت في حالة من القيا ولعاب طريق كامل وانا فمي يسيل قلي واش بيك ماكنتيش هكذا وليت ديرا منشافة تحت انقاب وانا حالتي حالة و بعد جبلي التاست وقلي بصح بشرط ماتتقلقيش كيما جات خليها على ربي وانا كنت حللت من قبل وماقتلوش وبعد زدت درت التاست الى جابولي وبعد ايام اجهضت ورحت لطبيبة وحمد لله ماتقلقوش روحكم ركم تمرضو من الحسبات هو صدري منفوخ هني دخة هو عندي افرزات انتي تمرضي وهو يفرح ويبني امل وبعد ايام تشرف لالة ويتبخر كل سيئ ربي يفرج علينا ويرزقنا الذرية الصالحة امين

امة كلامك صح مية بالمية وهدا هو اللي لازم نديروه مي انا كراه يديرلي الكيس وقالولي يقدر يرجع بعيد الشر على بيها راني خايفة والله كنت مانحوش عليها واصلا ولا تتقدملي ب4ايام ويومين وكنت نخرج مع بيت شيخي صافي نشري التاست وحدي ونجرب بلامايسمع ونطيشو فالسكيم ودوك من الخوف وراني حكمت رجلي على بيت شيخي مالقيتش شكون يشريلي التاست بعتو هو وخليتو راح يجري يفرح راح يمشي ويغني من الفرحة وكفشلتو خرج وكرجع قلتلو نشرب كاس زعتر وخرجني اليوم نمشي حتى تهبطلي نتهنى منها الداني خرجني وهملني في وحد الهبطة هبطني بعيييييييييد وككنت طالعة قريب حبس قلبي وقلتلو رانا بعدنا على الطريق ومانرجع نتعب قالي ياك تحوسي تهبطيها امشي وسكتي وكطلعت النفس التقطعلي وكوصلنا لطريق قالي ها هبطت قلتلو المشيا هادي فالليل تهبط والصبح اليوم صبح مبكر يسقسي فيا قالي ها واش لجديد قالي حاقة التاست اللي درتيه البارح وين راه نشوفو قلتلو خلينا منو الديني للطبيبة نطمل على الكيس اما الحم ماشكيتش واصلا قلتلو جبتلي التاست فاسد مسكين مزال طامع التخطف وقالي نروح نزيد نجيبلك واحد ههههههههههههههههههه قلتلو خلاص راني نشرب فالزعتر وادا مكانش نروح للطبيب يفريها معاها

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

اقتباس:

المشاركة الأصلية كتبت بواسطة nourelhouda (المشاركة 3687830)

اهلا البنات لاباس
امتي الغالية ربي يحبظك واش جيتي للعاصمة!؟!؟!؟!
اهلا جيجي لاباس
ام مصعب ربي يحفظلك مصعب و يرزقك الحنل السليم يارب تفرحي و جيبي اخت لمصعب يارب،،، و مرحبا بيك في التجمع،،، انا نورالهدى تشرفنا
نوراليقين يارب يارب و تكوني حامل يارب،،،، ماتقلقيش روحك انا الشهر اللي فات دارتلي 17 يوم روطار،،،،، كل يوم نتناسى بلي راهي روطار و نهار خلاص درت كامل التحاليل و اكتشفت بلي راني سليمة ماكاش كاش مرض يوخرها رحت لعند طبيبة التوليد دارتلي ايكو قالتلي راكي هايلة ماكاش كيس و الرحم مليح و المبايض تانيت و اعطاتني تحليل دم رحت درتو هبطت عليا المربوحة قطعتلي قلبي ،،،، راهي تلعب على المورال تقول واحد دورها عليا و حرشها عليا و الله،،،،،،،
ربي يرزقنا اجمعين و مرحبا بيك ام عمر و هبة متشرفين و مرحبا بكل البنات الجدد ربي يرزقنا في القريب العاجل يا رب،،،،،،

آمين نور الهدى ليا وليك والكل مشتهي
المشكل انا لوكان لعبتلي على المرال انتاعي خلي تندب بيه وبيا مي راهي هاد المرة الطورت ولات تلعب المرال على المربح والمرال انتاع المربح عزيز عليه بزاااف
وشكرا طمنتيني وادا مهبطتش الرح لطبيبة تفريها معاها

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

لبنات كيراكم ليوم راني 33 من دورة

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

السلام عليكم جميعا

اقتباس:

المشاركة الأصلية كتبت بواسطة oum abderaouf (المشاركة 3688596)

ربي يفرج على كل وحدة ان شاء الله
امال ضحكوني التصااور اللي درتيهم هههه
بارة ربي يفرج عليك شحال عندك زواج؟

امين متزوجة من سنة و8اشهر

اقتباس:

المشاركة الأصلية كتبت بواسطة bassouma (المشاركة 3689214)

لبنات كيراكم ليوم راني 33 من دورة

انشاء الله متشوفيهاش حتى لنفاس

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

أهلا بارا كيف الأحوال كانش جديد

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

لبنات وين رحتو ركم تغيبو بزاف أرواحو خفو راني محتاجتكم

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

أمة صبورة رواحو ربي يخليكم و يرزقكم ذرية عن قريب

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

خليتوني وحديhwaml4

رد: التجمع الجديد للجزائريات المتأخرات في الحمل و أهلين بالتونسيات الغاليات ‏

راني هنا بسومة والو راني مع القديم