يومياتي مع الحقن المجهري بالتفاصيل والاسعار

[Bent Abdullah]

السلام عليكم ورحمة الله وبركاته كيفكم يارب الجميع بخير وصحه وعافيه اليوم ودي احكي لكم عن قصتي مع الحمل انا قعدت سنتين اخذ مانع ( حبوب ياسمين) بعدين وقفت وانتظرت سنه قلت بروح اتطمن والحمد الله اموري كلها تمام بعد ست شهور استشرت الدكتوره قالت خذي كلوميد وجربته كورسين ولا صار حمل طبعا قبل ابدا فيه طلبت تحاليل الزوج برضو كانت شبه سليمه فيه نسبة تشوهات بسبب التدخين ولا صار حمل خلال هالكروسين من الكلوميد تبويضي كان ممتاز واستحابتي كويسه الحمد الله بعدها رحت للدكتور ( زينب ابو طالب حبيب العليا ) وقالت لي توك على الانابيب عمري (28) قالت جربي التلقيح الصناعي سعره ( 3500 تقريبا ) وبديت فيه واخذت الكروس وكانت استحابتي متوسطه مع الابر لكن كبرت البويضه الحمد الله وسويت الحقن بس فشلت ولا صار الحمل ولله الحمد بعدها قالت ارتاحي 3 شهور ونشوف بعدين بعد كذا راجعتها مره ثانيه قالت انت بالخيار تبين تعيدين التلقيح الصناعي ( لان نقدر نقول عنه انه فاشل اذا سويتي ثلاث محاولات ) والا تبدين بالانابيب قلت لا ببدا انابيب توكلنا على الله ومن هنا بديت اكتب كل يوم وش سويت عشان اللي ودها تخوض التجربه تكون بالصورة وكاتبه الاسعار لان الموضوع مكلف نوعا ما فحلو الوحده تكون حاطه ببالها كم

اول يوم الاربعاء رحت موعدي الاستشاره ب(315 ) والاشعة المهبلية ( 210 ) مجموعهم (525) ريال دخلت عند الدكتوره وكتبت لي الجرعة من جونال اف 150 حساب الادوية لمدة 6 ايام ( 735)ريال الخميس برضو 150 الجرعة الجمعة 75 الجرعة السبت 75 الجرعة بديت احس بانتفاخ بالبطن والمزاج متكدر الاحد 75 الجرعة الم بالبطن ونغزات مثل الم الدورة بس عند مكان المبيض الاثنين 75 الجرعة الثلاثاء موعد تشيك المبيض نشوف وش تقول الله يسر الصالح دخلت سويت السونار ب(210) دخلت عند الدكتورة وقالت عندي 10 بويضات 5 منهم كبار وبيكون السحب يوم الخميس باذن الله الله يسر ياارب وغالبا الارجاع يوم الاحد كتبت لي برضو ابرتين ابره تحافظ على البويضات وابره التفجير اللي بحطها ان شاء الله الساعه 11 ( 203) ريال اليىم الخميس قمت الصباح مفروض اكون بالمستشفى 9 ونص رحنا واعطاهم زوجي العينه على 10 وربع تقريبا وبعدها بثلث ساعه نادوني عشان العمليه حطوا لي مغذي واللمضاد بالوريد ثم نقلوني لغرفة العمليات اعطوني مخدر فجاه الدنيا تدور حولي ونمت قمت وانا بالغرفه ماحسيت بشيء بس دوخه وقالوا لي سحبنا 10 الله يطرح فيهم البركه يارب تكلفة عملية السحب ( 8200) وكتبوا لي دواء فولك اسد ودفستون وتحميلات مهبليه ابداها قبل الارجاع بيوم يعني يوم السبت باذن الله الحمد الله يارب مافي الم قوي شيء بسيط كنت ادعي قبل ما اتالم والحمد الله يارب ما تالم وكثرت من قول لاحول ولاقوة الا بالله وربي بلطفه خفف علي الالم ( التلقيح الصناعي كان مرره مرره مؤلم بالنسبة لي مع ان فيه كثير يقولون عادي كانها مسحه طبيه) بعد السحب انتفاخ مره ببطني واحس اني شبعانه طول الوقت الترجيع بيكون يوم الاحد باذن الله اليوم السبت مطلوب مني ابدا استخدم الحقنه المهبليه زي الجل هو وايضا الديفاستون مرتين باليوم كلموني المستشفى اليوم وقالوا لي نتيجة التخصيب من 10 بويضات تلقحت 4 الحمد الله ياارب وبكره الاحد الترجيع باذن الله الساعه 4 عصراً الله يسسهل ياارب اليوم الاحد رحت للمستشفى ورحت لحالي لان زوجي مرتبط ومتوتره خايفه من الالم ياارب يسهل دخلت ودفعت 1575 قيمة الترجيع ورحت زي ما قالوا لي مثلنتي نص مليانه اليوم حاطين بالغرفه حرمتين مع بعض فما حبيت الوضع ابدا مو مريح ولا فيه خصوصيه طلعت من العملية الحمد الله وكانت سهله ياربي لك الحمد بفضل ربي ومنته دعيت وكثرت من قول لاحول ولاقوة الا بالله صار 4 اجنه قالت الدكتوره بنحط 3 ونتخلص من الواحد لان ما نجمد 1 قلت لا حطوا 2 وجمدوا 2 قالت تم وصل زوجي ويوم جا عيا نجمد ( مدري وش الحكمه يمكن مايحب الاكل المفرزن 😂💔) قلت خلاص بكيفك مافيني اجادل واللحين لازم اكمل على الديفاستون والتحاميل لين بعد 14 يوم على خير ياارب اليوم الثلاثاء هو اليوم الثالث من الترجيع احس بدوخه وخمول اليوم الخميس هو اليوم الخامس من الترجيع واحس بالم فضيع الم دوره مرره وصدري متحججججر وفيه افرازات بس مدري يمكن من التحميله المهبليه واحس بغثيان شوي اول ما اقوم ( وهذي احسها دايم ) اليوم السبت وهو اليوم السابع من الترجيع معي افرازات صفراء ونقط زي الدم مدري وش هي الله يستر 😿💔 اليوم اليوم الحادي عشر من الترجيع امس تهاوشت مع زوجي وانقهرت وشديت اعصابي بعدها دخلت الحمام لقيت وانتم بكرامه خيط دم اثناء البول واستمر الى اليوم بس مع افرازات يعني الافراز صار لونه بنك سويت تخليل منزلي اليوم ( مع ان الدكتوره قالت بيوم 16 سوي تحليل دم ) وطالع لي سلبي الحمد الله ورحت للطبيبه زينب وقالت ارتاحي شهر شهرين ونرجع نعيدها سالتها سبب عدم ثبوت الاجنة بعد الترجيع قالت ما في سبب واضح بس عموما نسبة نجاحها 40-45بالميه قلت لها ممكن عشاني مشيت كثير قالت ليش مشيتي قلت سافرت وكشيت شىي قالت مممم مانعرف بس ليش سافرتي هو مافي دراسة واثبات علمي ان ما يصلح بس اجتهادات فرديه لكن هذا اللي ربي قدره واللهم اجرني بكصيبتي وحلف لس خيرا منها وانصحكم بناات كثروووا صدقه واستغفار تذكروا الاية ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا . يُرْسِلِ السَّمَاءَ عَلَيْكُمْ مِدْرَارًا . وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا) ثقوا بالله وتوكلوا عليه علقوا قلوبكم بربي الرزاق الحكيم مانعرف متى الوقت الانسب لنا بهذا الرزق وهو الطف واحن علينا من امهاتنا اكيد كل وحده مننا امها تتمنى اليوم اللي تبشرها انها حامل فاثقي ان ربي ارحم من امك بس التاخير لحكمه يعلها اللطيف الخبير ونجهلها 💘💘 الله يكتب لنا الصالح والحمل السليم وجميع من اراد بحوله وقوته يارب

[قمر دنياه]

الله يعوضك يارب وتحملين انسجمت مع قصتك ����

[ساريتا]

الله يعوضك خير اختي ياربي تحملين عن قريب

[" ملاك "]

الله يسهلك امورك يارب
رجعي المجمد ويارب يصير حمل ويثبت
الله مريم كثري من الدعاء والصدقة

[أم حبيبة ان شاء الله]

ربنا يرزقك الحمل الثابت عاجلا غير آجل يارب

[أماني و أحلام]

ربي يعوضك خير
ويرزقك ويرزقني ويرزق كل محرومة
يارب لا تحرمنا من الأمومة

[أماني و أحلام]

ربي يعوضك خير
ويرزقك ويرزقني ويرزق كل محرومة
يارب لا تحرمنا من الأمومة

[ايفون]

حبيبتي الله يعوضنا يا رب