كيس الحمل ضعيف

[عشق سوسو]

السلام عليكم
كيفكم اخواتي ؟

حبيت استفسر منكم
انا اخر دورة لي يوم 28 اكتوبر وبالهجري 14 \1
يعني المفروض انا مخلصه اليوم الاسبوع السابع اللي هو الشهر الثاني
سويت تحليل هرموني اول مرة طلع 1234
وسويت بعد يومين طلع 1600 وحاجه

رحت قبل يومين عند دكتورة وكشفت سونار
قالت لي كيس الحمل ضعيف وحينزل وطلبت مني اصبر اسبوع واروح لها اعيد السونار
وعدت في نفس اليوم التحليل الهرموني طلع 2500تقريبا

فماادري يابنات شرايكم ؟
هل هو حمل ضعيف او حمل متاخر ؟؟
شايله هم مررررررة
اللي عندها خبره او حصل لها مثلي تخبرني الله يسعدكم

اللهم يامثبت السما بلا عمد ثبت حملي وارزقني الطفل السليم المعافى

[ام تميم*]

يااااارب يثبت لك حملك ويباااارك فيه وتشوفين البيبي بعد تسعه أشهر وهو وانتي بتمام الصحة والعافية


ان شاءالله يفيدونك البنات اكثر

[ملاك المحبة]

السلام عليكم
زي انت اخر موعد الدورة
وانا حامل بالاسبوع السابع وفايتة بالثامن
الله يثبتك ويثبتني ويقيمك سالمة يا رب

[khulood85]

الله يثبت لج اياه ياارب بس اصبري لا تستعجلين روحي لدكتوره غيرها وربي يسعد قلبج يارب

[Um sara1]

ياحبيبتي دام نسبة الهرمون جالسه تتضاعف يعني الحمل ماشاء الله مستمر وجيد

ممكن يكون حدث حمل متأخر موشرط حسبتك تكون صح ..

بس عشان تطمني تابعي نسبة الهرمون واستخدمي مثبتات

[ردينة عمر]

لله يثبته ويحفظه بحفظه التام وتقومين انتي والنونو بالسلامة

[أم دانة القموره]

حبيبتي دام الهرمون يتضاعف الحمل تمام لو م و طبيعي ما يتضاعف وينزل النسبه والله هم يلعبون بعقول الحريم طنشي و اصبري اسبوعين و بلاش تتعبي نفسك امكن حملتي قبل الدوره مو شرط وقت التبويض

[عشق سوسو]

الله يعطيكم العافيه جميعا
ويكتب اجركم
بكرة موعدي مع الدكتورة ونحدد كل شي

[ال ماما نوف]

سبحان الله انتي نفسي حتى اخر دوره ٢٨ اكتوبر ولما حللت بعدها بيومين قالتلي الحمل ضعيف باخذ دم وبول وموهد بعد اسبوعين ومره علا اعصابي هالاسبوعين وبكره انشالله موعدي الله يكتبلي الخيره يارب واطمن قلبي وقلبك

[ال ماما نوف]

رحت موعدي اليوم قالت في كيس حمل بس مااشوف حنين تعالي بعد بكره اسويلكً سونار ونشوف في نبض او لا لان يمكن الحنين يكون صغير وموًواضخ